بانکا ناڤەندی پێنگاڤا نزمبوونا دۆلاری ھاڤێت
ئەڤرۆ:
ئەندامەکێ لژنا دارایی ل پەرلەمانێ عیراقێ بۆ رۆژناما ئەڤرۆ ئاشکراکر کو ب مەرەما نزمبوونا بھایێ دۆلاری د بازارێن عیراقێ دا، بانکا ناڤەندا عیراقێ پێنگاڤەکا دی ھاڤێت.
مەسعود حەیدەر ئەندامێ لژنا دارایی ل پەرلەمانێ عیراقێ بۆ رۆژناما ئەڤرۆ گۆت: بانکا ناڤەندی یا عیراقێ یا بزاڤا دکەت ئێک ملیار دۆلاران وەک قەر بدەتە بانکێن ئەھلی ل عیراقێ، ب وێ مەرەمێ و ب رێکا وان دۆلاری ل بازاری زێدەکەت و بھایێ دۆلاری بھێتە خوار و ئەڤە وەک قەر پشتەڤانیا پرۆژان بھێتەکرن و ئەڤە پێنگاڤەکا گەلەک باشە.
مەسعود حەیدەر زێدەتر ژی گۆت: ھەکە بھایێ پەترۆلێ بەر ب زێدەبوونێ دچیت و ھەمان دەم فرۆتنا پەرۆلا عیراق زێدە بویە،ئەڤە ھەر دو دێ بنە ھۆکار دۆلار ل عیراقێ بھێتەزێدەکرن و بانکا ناڤەندی دێ شێت پتر دۆلاری ھنێریتە بازارێ عیراقێ.
ئەندام پەرلەمانێ ناڤبری گۆت: بلند بوونا دۆلاری دەمکی یە، بھیڤی نە کو بھا بھێتە خوارێ، جھێ ئاماژەکرنێ یە ماوێ چەند ھەیڤانە بھایێ دۆلاری ل سەرانسەری عیراقێ گران بوویە ، لدووڤ زانیاریێن ئەندام پەرلەمانان دیار دکەن کو بانکا ناڤەندی رۆژانە کێم دولاری دفرۆشیت.