بانگه‌شا هه‌لبژارتنان ل عيراقێ ده‌ستپێكر
ئه‌ڤرۆنيوز:
ئه‌ڤرۆ شه‌مبيێ 14/4/2018 ب شێوه‌كێ فه‌رمى بانگه‌شا هه‌لبژارتنێن جڤاتا نوونه‌رێن عيراقێ ل هه‌موو پاريزگه‌هێن عيراقێ ده‌ستپێكر.
ل هه‌رێما كوردستانێ، ژبه‌ركو رۆژا ده‌ستپێكرنا بانگه‌شا هه‌لبژارتنان دكه‌ڤيته دسالڤه‌گه‌را 30 يا ده‌ستپێكرنا پرۆسا ئه‌نفالان دژى گه‌لێ كورد، كۆمسيۆنا بلند يا هه‌لبژارتنان ل عيراقێ بريار دابوو بانگه‌شا هه‌لبژارتنان ل هه‌رێما كوردستانێ ل رۆژا ئێكشه‌مبى 15/4/2018 ده‌ست پێ بكه‌ت.
هه‌لبژارتنێن جڤاتا نوونه‌رين عيراقێ ل 12/5/2018 دێ هێنه ئه‌نجامدان كو تێدا 320 پارت و ليست و هەڤپەيمانی دێ هه‌ڤركيێ ل سەر ۳۲9 کورسيێن جڤاتا نوونه‌ران كه‌ن و هژمارا بەربژێران ژى ۷ هزار و ۳٦۷كه‌سن. ل هه‌رێما كوردستانێ 18 كورسى بۆ پارێزگه‌ها سلێمانيێ و16 كورسى بۆ پارێزگه‌ها هه‌ولێرێ و12 كورسى بۆ پارێزگه‌ها دهۆكێ.
