باهوزه‌كا ب هێز گه‌فان ل ڤێ گزيرتێ دكه‌ت
ئه‌ڤرۆ نيوز:
ماوێ چه‌ندێ رۆژه‌كايه باهۆزه‌كا ب هێز كو ب باهۆزا “نيكولێ” دهێته نياسين و له‌زاتيا وى دگه‌هيته 185 كيلۆمه‌تران د ده‌مژمێره‌كێ دا گزيرتا به‌رمودايا گرتى و زيانه‌كا مه‌زن ل پشت خوه هێلايه.
دورگه‌ها به‌رمۆدا، كو ژ لايێ گه‌له‌ك ژ خه‌لكى ژ ئه‌گه‌رێ “سێگۆشا به‌رمۆدا” ب گزيرتا مرنێ يا به‌رنياسه و دووراتيا هزار و 70 كليۆمه‌ترا دكه‌ڤيته رۆژهه‌لاتێ باكوورێ ئه‌مريكا، ل ده‌ريا باكوورێ ئه‌تله‌نتيك.
هه‌كه چ ئه‌ڤ گزيرته خودان په‌رله‌مان و حوكمه‌تا خوه ل سه‌ر رووبه‌رێ كێمتر ژ 53 كيلۆمه‌تران به‌لێ وه‌كو جه‌به‌ل تارق ده‌ڤه‌ره‌كا سه‌ر ب شاهنشينا بريتانيايه.
ژ ئه‌گه‌رێ وێ باهۆزێ هوشدارى دايه خه‌لكێ گزيرتێ كو ژ مالێن خوه نه‌چنه ژ ده‌رڤه. ب گۆره‌ى گۆتنا به‌رپرسێن ده‌ڤه‌رێ، زريان ژبلى وێ چه‌ندێ كو چه‌ند خانى و مال وێران كرينه، هه‌ڤده‌م كاره‌با پشكه‌كا زۆر ژ ده‌ڤه‌رێن گزيرتێ ژى بڕيه.
سێگۆشا به‌رمۆدا، كو نێزيكى گزيرتێ يه دكه‌ڤيته رۆژهه‌لاتێ ده‌ريا باكوورێ ئه‌تله‌نتيك، ب سێگۆشا مرنێ يا به‌رنياسه.
