باوه‌رى ب هه‌ڤپه‌يمانا نه‌ما و دێ له‌شكرێ خوه ره‌وانه‌ى عيراقێ كه‌ت
ئه‌ڤرۆ نيوز:
جڤاتا دوما “په‌رله‌مان”ێ رۆسيا ره‌زامه‌ندى نيشان دا، ل سه‌ر ره‌وانه‌كرنا هێزا ئه‌ردى بۆ عيراقێ، ئه‌ڤه ژى پشتى وێ چه‌ندێ هات كو لژنا ئاسايش و به‌ره‌ڤانيێ ل جڤاتا نوونه‌رێن عيراقێ، د كۆمبوونه‌كێ دا ل گه‌ل لژنا به‌ره‌ڤانى و كاروبارێن ده‌رڤه يێن جڤاتا ئاسايش و به‌ره‌ڤانيێ ل جڤاتا دوما يا رۆسيا، دانوستاندن ل سه‌ر وى بابه‌تى كريه و هه‌ردولا گه‌هشتينه رێكه‌فتنێ و ڤه‌ديتنا رێيێن پێدڤى بۆ ئينانا وان هێزان.
هه‌ر دوهى ژى عه‌دنان ئه‌سه‌دى، ئه‌ندامێ لژنا ئاسايش و به‌ره‌ڤانيێ ل جڤاتا نوونه‌رێن عيراقێ د به‌ياننامه‌كێ دا راگه‌هاند كو رۆسيا ره‌زامه‌ندى نيشان دايه ل سه‌ر هنارتنا هێزێن ئه‌ردى بۆ پشته‌ڤانيكرنا هێزێن عيراقێ ل شه‌رێ دژى داعش و دبێژيت: “رۆسيا ره‌خنه يێن هه‌ين ل سه‌ر شێوازێ مامه‌له‌كرنا هه‌ڤپه‌يمانێن نێڤده‌وله‌تى ب سه‌رۆكاتيا ئه‌مريكا دژى داعش و ئه‌و وه‌سان دبينن د رژد نينن ل بۆردۆمانكرنا وێ رێكخراوێ”.
