بريتانيا داخواز ژ به‌غدا كر بله‌ز دانوستاندنان ل گه‌ل كوردستانێ بكه‌ت
ئه‌ڤرۆ نيۆز:
سه‌رۆك وه‌زيرا بريتانيا تێريزا ماى، ئه‌ڤرۆ چارشه‌مبى، راگه‌هاند، بريتانيا به‌غدا هاندده‌ت كو دانوستاندنان ل گه‌ل هه‌رێما كوردستانێ بكه‌ت بۆ چاره‌كرنا كێشێن دناڤبه‌را هه‌ردولا دا.
تێريزا ماى دكۆنگره‌كێ رۆژنامه‌ڤانى دا ل گه‌ل سه‌رۆك وه‌زيرێن عيراقێ حه‌يده‌ر عه‌بادى ل به‌غدا، گۆت ئه‌م دپشته‌ڤانين كو حوكمه‌تا عيراقى دانوستاندنان ل گه‌ل حوكمه‌تا كوردستانێ بكه‌ت ل دۆر باده‌كێن هه‌لاويستى دناڤبه‌را به‌غدا و هه‌ريمێ دا، دچارچۆڤێ عيراقه‌كا فيدرالى يا ئێكگرتى ب گۆره‌ى دستوورى.
سه‌رۆك وه‌زيرا بريتانيا زێده‌تر گۆت، پێشوازيێ ل گفتۆگويێن دناڤبه‌را هه‌ردو لايه‌نان دكه‌م وداخواز ژێ دكه‌م بله‌ز به‌ر ب دانوستاندنان ڤه بچن.
