بریتانیا: هژمارا گیان ژ دەستدانێ ب کۆرۆنا یێ گەهشتە پتری ٢٠ هزار کەسان
ئەڤرۆ نیوز:
هژمارا وان کەسێن ل نەخۆشخانێن بریتانیا ب ئەگەرێ ڤایرۆسێ کۆرۆنا یێ گیانێ خوە ژ دەست داین گەهشتە پتری ٢٠ هزار کەسان.
وەزارەتا ساخلەمیا بریتانیا ئاشکرا کر، د ماوێ ٢٤ دەمژمێرێن بوریدا ٨١٣ حالەتێن نوو یێن گیان ژ دەستدانێ ب ڤایرۆسێ کۆرۆنا یێ هاتینە تۆمار کرن و سەرجەمێ گشتی یێ هژمارا گیان ژ دەستدانێ ب وی ڤایرۆسی ل بریتانیا گەهشتە ٢٠٣١٩ کەسان.
هەروەسا گۆتیە، د دەمێ ٢٤ دەمژمێرێن بوری دا ٤٩١٣ حالەتێن نوو یێن تووشبوون ب ڤایرۆسی کۆرۆنا یێ ل بریتانیا هاتینه تۆمار کرن و سەرجەمێ گشتی یێ تووشبوویێن وی ڤایرۆسی گەهشتیە ١٤٨٣٧٧ کەسان.
