بزانە دھۆک رێزا چەندێ یە : رێزبەندا ئێکەمێن نەھێ بنەرەتی ھاتنە راگەھاندن
ئەڤرۆ نیوز ، نەوزاد ھلۆری:
ئەڤرۆ وەزارەتا پەروەردێ یا حکومەتا ھەرێما کوردستانێ ئەنجامێن رێزبەندێن ئێکەم و رێژا دەرچوونا قوتابیان د ئەزموونێن نیشتمانی یێن رێزا نەھێ بنەرەتی راگەیاند و ل گورەی ئەنجامان ژی قوتابیەکێ پارێزگەھا دھۆکێ ل رێزا چوارێ دھێت.
رێڤەبەریا ئامارێ یا سەر ب وەزارەتا پەروەردێ یا حکومەتا ھەرێما کوردستانێ ئەنجامێن دەرچوون و رێزبەندا ئێکەمێن ھەرێما کوردستانێ یێن ئەزموونێن نیشتمانی یێن قوتابیێن رێزا نەھێ بەلاڤکرن کو تێدا ھاتیە د پروسەیا ئەزموونان دا ژ سەرجەمێ ١٢٦ ھزار و ٣٥٠ قوتابیان ، ٧٤ ھزار ٣٨٣ قوتابی دەرچوینە و رێژەیا دەرچوونێ ژی دبیتە ٥٨،٨٧%.
د ئامارێ دا زێدەتر ھاتیە قوتابیەکێ پارێزگەھا ھەولێر بویە ئێکەم ل سەر ئاستێ ھەرێما کوردستانێ ، و قوتابیەکێ سلێمانیێ ژی یێ دوویێ و قوتابیەکێ گەرمیان ژی بوویە یێ سێیێ ، قوتابیەکێ پارێزگەھا دھوکێ ژی رێزا چوارێ وەرگرتیە.
قوتابی دکارن لسەر ئەڤی لینکی ئەنجامێن خوە وەربگرن
