بزانە چ کەنالە – کەنالەکێ نوو یێ ئاسمانی ل دھۆکێ ھاتە ڤەکرن
ئەڤرو نیوز ، نەوزاد ھلۆری:
پشتی دوو سالان ل کارکرنێ وەکو کەنالەکێ لوکانی ، کەنالێ تیکو ل ئاکرێ دەست ب پەخشێ خوەیێ رادیو و تێلەڤزیوونا ئاسمانی کر.
دڤی واریدا سەفین سورچی بێژەر و بەرھەڤکەرێ بەرنامەیان ل کەنالێ تیکو بۆ ئەڤرو نیوز گۆت: (ب شێوە و ستافەکێ نوو پشتی دوو سالێن لوکالیێ و ماندووبنەکا زۆر کەنالێ تیکو بوویە کەنالەکێ ئاسمانی و دەست ب پەخشێ خوەیێ نوو کر)
زێدەتر گۆت: (کەنالێ تیکو دێ ھەر ب شێوەیێ بێ لایەنی مینیت ، بەلێ دێ گورانکاریان د سیاسەت و بەرنامەیێن خوە دا کەت و بەرنامەیێن وێ ژی ھەمەرنگن مینا بابەتێن سیاسی و ھەمەرنگ و نوچە و راپورت و دیدار و وەرزش و ھونەری ، و دێ ب کوالێتیا HD ل گەل رادیویا تیکو دەستپێکەت ڤە و بارەگایێ سەەرکی دێ ھەر ل ئاکرێ بیت)
تیکو کو د رەسەن دا پەیڤەکا ئیسپانی یە و ب رامانا رەوشت دھێت ، دێ لسەر فرێکوینسا ١٢٧٢٨ H ٢٧٥٠٠ گروپێ ھەیڤا دەستکرد یا نایلسات دەردکەڤیت.
