بزانە ژبەر چ ریال مەدرید رەتکر ھەڤبەستێ ل گەل نیماری ئیمزا بکەت
ئەڤرۆ نیوز:
ل ماوێ چەند رۆژێن بوری رۆژناما مارکا یا ئیسپانی بەلاڤەکر بوو یانا پاریس سانجێرمان دو جاران ستێرا خوە یا بەرازیلی نیمار بۆ یانا ریال مەدرید پێشکێش کر بوو لێ وێ یانا ئیسپانی رەتکر بوو ژبەرکو ئەوان بۆ دیارکر بوو نیمار نە د پلانا ئەوان دایە بۆ مێرکاتویا ھاڤینا ئەڤ سالە.
ژلایەکێ دیڤە رۆژناما موندو دیپورتیفو یا ئیسپانی ئەگەرێ وێ رەتکرنا ریال مەدرید ئاشکراکریە کو یانا ریال مەدرید ل سەر داخوازیا راھێنەرێ خوە ھەڤبەست ل گەل نیماری نە ئیمزاکر ژبەرکو راھێنەرێ وێ یانێ بۆ بەرپرسێن ریال دیارکر بوو ئەو ناخوازیت ھەڤبەستێ ل گەل ھژمارەکا یاریزانان ل ئێک جھی ئیمزا بکەت تایبەت پشتی ھەڤبەست ل گەل ھازارد و رودریگو گوس ئیمزاکری .
ھەردیسان وێ رۆژنامێ ئاشکراکریە ژی زێدان و زوربەیا بەرپرسێن ریال دخوازن پتر دەلیڤەیێ بدەنە ڤینیسوس ل وەرزێ نوو ژبەرکو ھەکە ھەڤبەست ل گەل نیماری ئیمزاکر دێ کرنا یاریێ بۆ ڤینیسوس گەلەک یا ب زەحمەت بیت لەورا ئەو وەسا دبینن کرنا یاریێ ب ڤینیسوس ل ڤی دەمی بۆ ریال مەدرید باشترە و ژبەرکو بەرپرسێن ریال پێشبینیەکا مەزن بۆ وی ستێرا گەنچ یا بەرازیلی دکەن تایبەت پشتی ل وەرزێ بوری شیای ئاستەکێ بلند پێشکێش بکەت ل گەل یانا ریال مەدرید.