بزاڤێن لادانا سه‌ليم جبۆرى دهێنه كرن
ئه‌ڤرۆ نيوز:
پێكهاتێن ناڤ هه‌ڤپه‌يمانيا ئێكه‌تيا هێزێن عيراقى مژوولى دانوستاندن و كۆمبوونان ب مه‌رما گوهۆڕينا سه‌رۆكێ نوكه يێ جڤاتا نوونه‌رێن عيراقێ.
ته‌لال زوبێعى ئێك ژ سه‌ركردێن سونه يێن عيراقێ و ئه‌ندام د هه‌ڤپه‌يمانيا هێزێن عيراقى دا، بۆ تۆڕا ميديايى يا گۆڕان گۆت: “سه‌ركردێن پێكهاتێ ناڤ هه‌ڤپه‌يمانيا وان مژوولى لێكگوهارتنا بيروبچوونانه دا كو سه‌ليم جبۆرى يێ سه‌رۆكێ نوكه يێ جڤاتا نوونه‌رێن عيراقێ به‌رامبه‌ر كه‌سه‌كێ دى ب گوهۆڕن.
ئاماژه ب وێ چه‌ندێ ژى كر كو مه‌ره‌م ژ گوهۆڕينا جبۆرى ئه‌وه كه‌سه‌كێ دى ل جهێ وى بهێته دانان ژ به‌ر كو پێكهاتێ سونان ژ لايێ ده‌سته‌لاتدارێن عيراقێ ڤه هاتيه پشتگوهـ خستن و ژ مافێن وان بێ به‌هر دبيت، هه‌كه كه‌سێ چو كێشێن كه‌سۆكى ل گه‌ل سه‌ليم جبۆرى نينن ب تنێ بۆ ڤه‌گه‌راندنا ماف و خواستێن سونايه.
زوبێعى گۆتژى: “سه‌ليم جبۆرى ئاماده‌يا خوه ده‌ربڕيه دا كو ده‌ستبه‌ردارى پۆستێ خوه ببيت، د پێناڤى به‌رژه‌وه‌نديا گشتى دا و ب تايبه‌ت به‌رژه‌وه‌نديا پێكهاتێن سونه”.
