بزاڤێ دكەت پرەكێ د ناڤبەرا ئاوازێن رەسەن و مودرێن دا دروست بكەت
هەرهین محەمەد
سترانبێژ (هێرش ئاكرەیی) د دیدارەكێ دا بۆ رۆژنامەیا ئەڤرۆ دیاركر كو ئەو نوكە مژوولی چێكرنا سترانەكێ یە ب ناڤێ(نازكە) كو ژ پەیڤ و ئاوازێن وی ب خۆنە و نوكە دقوناغا تۆماركرنێ دایە و ل بەرە ل نێزیك بهێتە بەلاڤكرن.
هەروەسا گۆت: هەردەم ئەز بزاڤێ دكەم پرەكێ دناڤبەرا ئاوازێن رەسەنێن كوردی و مودرێن دا دروست بكەم و پتر حەزژ سترانێن ئەڤینداری دكەم، چونكو هەست پێدكەم پتر نێزیكی دلێ گەنجانن، بەلێ دهەمان دەم دا پاراستنا رەسەناتیا فۆلكلۆرێ دەڤەرا ئاكرێ و بەهدینان ب گشتی ئەركەكێ سەرەكی یە ل دەف من و تەكنۆلۆژیا نوكە گەلەك پێشكەفتیە و ب تایبەت هاتنا ژێریا چێكری كار گەلەك ب ساناهی كریە و نوكە گەلەك كارێن چێكرنا كلیپ و سترانێ ب ژێریا چێكری دهێنە دروستكرن، بەلی نە دگەل هندێ مە دەنگ ب ژێریا چێكری بهێتە دروستكرن و هندی ستران وەكو بەرێ بهێتە چێكرن دێ ب تامتر دبیت.
ل دووماهیێ گۆت: ئاریشەن هەموو سترانبێژێن گەنج نەبوونا پشتەڤانیێ و هاریكاریا دارایی یە و بۆ چێكرنا هەر كلیپەكێ پارەیەكێ زۆڕ پێ دڤێت، هەروەسا بەرهەمهێنەر ژی گەلەك دكێمن و گەلەك جاران سترانبێژ ب شیانێن خۆ یێن تایبەت كلیپان چێدكەت و ئەڤە ژی بارێ مە گران دكەت
