بزاڤ بۆ چاندن و زێدەکرنا بەرھەمێ پرتەقالێ ناھێنە کرن
دھۆک، لەزگین جۆقی:
رێڤەبەرێ باغداری سەر ب رێڤەبەریا گشتی یا چاندنی ل پاریزگەھا دھۆکێ بۆ ئەڤرۆ دیارکرکو چو بزاڤ وچالاکێ ل سەر چاندنا پرتەقالێ و بیستانێن پرتەقالا وزێدەکرنا رووبەری بەرھەمێ پرتەقالی ل پارێزگەھا دھۆکێ نێنە، چونکو پرتەقال خوە ل بەر سر وسەرمایی ناگرت ئەو پرتەقالێن ل بازاری دھێنە فروتن ھەموو ژ دەرڤەی وەلاتی دھێنن و چو بەرھەمێ وەسا یێ خومالی ژ پرتەقالێ نینە.
رەجەب رێڤەبەرێ باغداری سەر ب رێڤەبەریا گشتی یا چاندنێ ل پاریزگەھا دھۆکێ دیارکرکو سێ نەمامگەھێن سەرەکێ ل سەرانسەرێ پارێزگەھا دھۆکێ ھەنە، سالانە چەندێن نەمامێن ھەمە جۆر ژ فێقی ڵی دھێنە بەرھەمھینان و بەرھەڤکرن و داینە جۆتیاران و پالپشتی ب تنێ مە بەرھەمێ پرتەقالی بەرھەم نەئینایە وبەلاڤ نەکریە وداخوازێ ژی ل سەر نینە ژبەر کو چاندنا وان گەلەک یا ھەستیارە ژبەر سر وسەرمایی و دەڤەر ژی یا بەرنیاسە ب بەفر و بارانان و سر وسەرمایێ بۆ نموونە ھەکەر سالەکێ بەفر و باران نەھێت یان کێم بیت سالا د دووڤدا دێ گەلەک سر وسەرما ھێت و پرتەقال ژی خوە ل بەر سر وسەرمایی ناگرن و پووچ دبن ھەتا گروپا ریە و ریشالین پرتەقالێ ژی دھێنە پووچکرن ژبەر سر وسەرمایی و زەحمەتا جوتیاری دبەر ئاڤی دا دچیت.
ل پارێزگەھا دھۆکێ بزاڤ بۆ زێدەکرنا بەرھەمێ پرتەقالی ھەنە رێڤەبەرێ باغداری گۆت: جارەکێ پەرلەمانتار نەجیبە نەجیب بامەرنی ھەولدان کرن و ھەماھەنگێ دگەل وەزیری چاندنا عێراقی کر دۆرێن ھزار نەمامێن ترشوکا ئینان ژ نەمامگەھێن نەجەف و کربلا و گەھاندنا پارێزگەھا دھۆکێ مە ژی نەکرە پرۆژە بەلکو مە بانگەوازیەک ل سەر خەلکەکێ بەلاڤکر و ھاتنە چاندن ل سنۆری بستانێن مالێن وەلاتیاندا نە ھاتنە چاندن وەکو پرۆژیێن ھنارا و سێڤان و تری و خوخ و مشمش و حلیکا ئانکو نەبوونە پرۆژە ئەم پێ روویبەرێن مەزن بچینن و ببیتە باغەکێ بەرھەمھێنەر، ب تنی ھاتنە چاندن وەکو رەوشەک دمالێ دا ل سەر وارێ چاندنا پرتەقالان و زێدەکرنا بەرھەمێ پرتەقالێ ل دھۆکێ ھەتا نوکە مە کار نەکریە ژبەرکو ئەم د زانین ھەکەر نەمامێن پرتەقالا ئەم بەرھەڤ ژی بکەین و سر و سەرما بھێت دێ پووچ بن وزەحمەتا مە و جوتیاری ژی دێ ب ھەروە چیت.
رێڤەبەرێ باغداری ئاشکرا کرکو ھەر ژ زاخو بگرە ھەتا سێمێلی و زاویتە و ئامیدیێ چو بزاڤ وچالاکیێن چاندنا پرتەقالێ نینن ب تنی ھندەک جۆتیاران ل شێخان نێزیک پارێزگەھا مووسل ئەوان ھندەک بزاڤ و چالاکێ ئەنجامداینە، لێ ھەکەر ئەم پرۆژێ پرتەقالان ئەنجام بدەین دێ ل سەرانسەری دھۆکێ بیت داکو ھەموو جۆتیار مفاداربن ژی لێ چونکو سر و سەرما بەرھەمێ پرتەقالێ ژناڤ دبەت لەورا ھەتا نوکە ھەولدانا زێدەکرنا بەرھەمێ پرتەقالی نەکرینە.
ناڤبری ئەوژی خۆیا کرکو چوو ئامار نینن بزانین بەرھەمێ پرتەقالی چەندە ل دھۆکێ یا دیتر ژی چوو بەرھەمی وەسا مە نینە یێ پرتەقالێ ل بازاری دھۆکێ بھێتە فروتن کو بەرھەمێ جۆتیارێن پاریزگەھا دھۆکێ بخوە بیت بەلکو ئەو بەرھەمێ دناڤ بازاری دا ھێتە فروتن یێ پرتەقالی ھەموو بەرھەمێ بیانی یە نە یێ مەیە و پرتەقال ژ دەرڤەی وەلاتی دھێتە دناڤ بازاری دا و ئامارێن خوخ و حلیک و مشمش و گەلەک جورێن دی ژ فێقی مە ھەنە ئەم دشێن دیاربکەین لێ ئامارێن زێدەکرنا بەرھەمێ پرتەقالان نینن یا دیتر ژی ھەتا نوکە جۆتیاران داخواز بەرھەمێ پرتەقالێ نەکریە چو جوتیاران داخواز نەکریە پرۆژەکێ پرتەقالان بچینت بەردەوام جۆتیاران سەرەدانا مە دکەن وداخوازا ھاریکاری دکەن بۆ پرۆژەیێن خوخ و سێڤان و باغێن گویزان ل سەر گەلەک جۆرێن دی ژ فێقی، ئەم پشتەڤانیا جۆتیارین خوە دکەین و بەرھەمێ زێدە دبیت لێ بۆ پرتەقالێ تشتەکێ وەسا نینە.
