بزاڤ دهێنه كرن به‌رى جه‌ژنێ مووچێ پێشمه‌رگه‌ى وپۆليس وخانه‌نشينان بهێته به‌لاڤكرن
ئه‌ڤرۆنيوز:
ئه‌ندامێ په‌رله‌مانێ كوردستانێ ژ فراكسيۆنا پارتى ديموكراتى كوردستان، فه‌رسه‌ت سۆفى، راگه‌هاند، دێ هه‌موو بزاڤان كه‌ين بۆ به‌لاڤكرنا مووچێ پێشمه‌رگه‌ى وپۆليس وهێزێن ناڤخوه‌يى وخانه‌نشينان به‌رى جه‌ژنا ره‌مه‌زانێ.
فه‌رسه‌ت سۆفى زێده‌تر گۆت” بزاڤێن مه دبه‌رده‌وامن بۆ وێ چه‌ندێ ئه‌م هه‌موو پێكڤه ڤێ جه‌ژنێ بكه‌ين، پێدڤيه ب چ رييه‌كێ بيت حوكمه‌تا هه‌رێما كوردستانێ به‌رى جه‌ژنێ مووچێ پێشمه‌رگێن قه‌هره‌مان وپۆليس وهێزێن ناڤخوه‌يى وخانه‌نشينان بێخيته دخشتێ به‌لاڤكرنا مووچه‌ى دا”.
دياركر” بۆ ڤێ مه‌ره‌مێ ژى دێ هه‌موو فشار وشيانێن خوه ئێخينه كار، چونكى نابيت پێشمه‌رگه ل رێزبه‌ندا ئێكێ يا مووچه‌ى بچيته رێزبه‌ندا دووماهيێ وپشتى جه‌ژنێ، هه‌روه‌سا دێ هه‌موو بزاڤان كه‌ين بۆ به‌لاڤكرنا مووچێ پێشمه‌رگه‌ى و پۆليس وخانه‌نشينان به‌رى جه‌ژنا ره‌مه‌زانێ”.
