بزاڤ دھێنەکرن پارێ خواندنێ ل زانکۆیێن ئەھلی بھێتە کێمکرن
ئەڤرۆ نيوز:
سەرۆکێ لیژنا پەروەردە و خواندنا بلند و ڤەکۆلینێن زانستی ل پەرلەمانێ کوردستانێ دیار کر، کو حەفتیا بھێت دێ ل گەل وەزیرێ خواندنا بلند و ڤەکۆلینێن زانستی کۆم بیت و پڕۆسا خواندنێ و کۆژمێ پارێ خواندنێ ل زانکۆیێن ئەھلی گەنگەشە کەن.
د. ئیبراھیم سمۆ، سەرۆکێ لیژنا پەروەردە و خواندنا بلند و ڤەکۆلینێن زانستی ل پەرلەمانێ کوردستانێ دیار کر ژی کو بابەتێ زانکۆیێن ئەھلی د کۆمبوونێ دا دێ ب جدی گەنگەشە کەن، کا چ بکەن کو پارێ خواندنێ کێمتر لێ بکەن و گۆت “ئەڤ کارە مە ب نڤیسار ژی کریە و دێ بزاڤێ کەین دانا پارەی ب قست بیت کو ژ دو قستان ببیتە چار یان شەش قست”.
سەرۆکێ لیژنا پەروەردە و خواندنا بلند و ڤەکۆلینێن زانستی ل پەرلەمانێ کوردستانێ گۆت ژی “کۆمبوونا مە دێ چەندین بابەتان ب خوەڤە گریت کو تایبەتن ب پڕۆسا خواندن و دەستپێکرنا سالا نوو یا خواندنێ، کا چ پێدڤیە د خواندنا بلند دا بھێتەکرن”.
د. ئیبراھیم سمۆ سەرۆکێ لیژنا پەروەردە و خواندنا بلند و ڤەکۆلینێن زانستی ل پەرلەمانێ کوردستانێ ئاشکرا ژی کر رەنگە ژبەر بێھنڤەدانێن جەژنێ ئەڤ کۆمبوونە بھێتە پاشخستن بۆ پشتی جەژنێ.
