بزاڤ یێن دهێنه كرن ل هه‌موو په‌روه‌ردێن دهۆك 15 رۆژان ببیته بهێنڤه‌دان
ئه‌ڤرۆ نیۆز، سالار دۆسكى:
پێشبینى به‌ر ب هندێ دچن كو سنورێن په‌روه‌ردێن زاخۆ و دهۆك رۆژهه‌لات و رۆژئاڤا و سێمێل رێكه‌فتى 3/11 هه‌تا 3/24 وه‌ك هه‌موو په‌روه‌ردێن هه‌رێما كوردستانێ ببیته بهێنڤه‌دان و رۆژا چارشه‌مبى ئه‌ڤ چه‌نده ل وه‌زاره‌تا په‌روه‌ردێ بهێته‌راگه‌هاندن، ئه‌ڤرۆ نیۆز بڤێ ئارمانجێ په‌یوه‌ندى ب چه‌ندین جهێن په‌یوه‌نداركر.
مالپه‌رێ ئه‌ڤرۆ په‌یه‌ندى ب چه‌ندین سازیێن په‌روه‌ردێ كر ل پارێزگه‌هێ و هه‌ر هه‌موویان پێشبنى یا هه‌بوونا بهێنڤه‌دانێ كرن و بتنێ ئاماژه ب بریارا رێڤه‌به‌ریا گشتى كرن كو هایداربووینه كو دێ ده‌وام بیت، هه‌ڤده‌م لدووڤ زانیاریێن ده‌ست ب ئه‌ڤرۆ نیۆز كه‌فتین نوكه ئه‌ندانێن په‌رله‌مانێ كوردستانێ كو خه‌لكێ پارێزگه‌ها دهۆكێ نه فشار ئێخستینه سه‌ر وه‌زیرێ په‌روه‌ردێ كو دڤێت هه‌موو پارێزگه‌ها دهۆك بهێنڤه‌دان بیت وه‌ك كه‌رتێ په‌روه‌ردێ و ئه‌ڤه مافه‌كێ قوتابى و مامۆستانه.
هه‌ڤده‌م لدووڤ زانیاریێن ده‌ست ب ئه‌ڤرۆ كه‌فتین وه‌زاره‌تا په‌روه‌ردێ یا مژووله و گه‌نگه‌ش ل سه‌ر بابه‌تى یا به‌رده‌وامه و دهێته پێشبینی كرن كو رۆژا چارهشه‌مبى، بهێنڤه‌دان بۆ ماوێ 15 رۆژان ل سه‌رانسه‌رى پارێزگه‌ها دهۆك د بیاڤێ په‌روه‌ردێ دا بهێته راگه‌هاندن.
جهێ ئاماژه‌كرنێ یه كو به‌رى چه‌ند رۆژان جڤاتا وه‌زاره‌تا په‌روه‌ردێ ل رێڤه‌به‌ریا گشتى بریار دابوو كو رێكه‌فتى 3/11 هه‌تا 3/24 هه‌موو په‌روه‌ردان بهێنڤه‌دان بیت و بتنێ په‌روه‌ردێن زاخۆ و سێمێل و دهۆكا رۆژهه‌لات و دهۆك رۆژئاڤا نه‌بیت، ب بهانا ده‌وام دره‌نگ كریه.
