بلندبوونا پلەیێن گەرمایێ 40 سەرێن چێلان ل پارێزگەھا دھوکێ کوشتن
ئەڤرۆ نیوز ، نەوزاد ھلۆری:
نیڤرویا ئەڤرۆ ل گوندەکێ ناحیا ئەتریش یا سەر ب قەزا شێخان ل سنوورێ پارێزگەھا دھۆک ژ ئەگەرا بلندبوونا پلەیێن گەرمایێ ٤٠ سەرێن چێلان مرن.
دڤی واریدا ھەڤال ئەتریشی شایەتحال و وەلاتیەکێ ناحیا ئەتریش بۆ ئەڤرۆ نیوز گۆت: (ئەڤرۆ دەردورێن نیڤرو ژ ئەگەرا بلندبوونا پلەیێن گەرمایێ ل گوندێ بلان یا سەر بە ناحیا ئەتریش ل سنوورێ قەزا شێخان ٤٠ سەرێن چێلان یێن پرۆژەیەکێ ب خودانکرنا چێلان مرن)
زێدەتر گۆت: ( ئەو پرۆژە نێزیکێ ١٠ رۆژایە ھاتیە چێکرن و ئەو چێلێن کو د وی پرۆژەی دا ھاتینە ب خودانکرن چێلێن تورکی نە و وەسا دیارە کو نەشیاینە بەرگریا گەرما ڤێرە بکەن ، و نێزیکێ ٦٠- ٧٠ ملیون دیناران زیان گەھشتینە خودانێ پرۆژەیی)