بلەز بریارا دوورخستنا ریال مەدرید ئێکلابوو
ئەڤرۆ نیوز، زنار:
ئێکەتیا تەپا پێ یا ئسپانیا ب فەرمی بریار دا یانا ریال مەدرید بھێتە دوورخستن ژ قارەمانیا کاسا شاھێ ئسپانیا پشتی یاریکەرەکێ خوە یێ سزادای دینس چێرچێڤ پشکداری کری د ھەمبەر یانا قادش د یاریا گەرا چونێ ژ قوناغا ٣٢ یا قارەمانیێ دا.
سەرەرای بریارا دوورخستنا یانا ریال مەدرید شیابوو سەرکەفتنێ ل سەر یانا قادش توماربکەت ب سێ گۆلان بەرامبەر گۆلەکێ لێ د ڤێ یاریێ دا پشکداری ب یاریکەرێ رووسی دینیس چێرچێڤ کر ئەوا بریاربوو ئەڤ یاریکەرە پشکداریێ نەکەت ژ بەرکو ئەڤ یاریکەرە ژلایێ ئێکەتیا ئسپانی ڤە ھاتبوو راگرتن بۆ ماوێ یاریەکێ ژ ئەگەرێ وەرگرتنا سێ کارتێن زەر ل گەل یانا ڤیاریال ل ل وەرزێ بوری ھەمبەر یانێن خیتافی و ریال سوسیداد و بەرشەلونە ب ڤێ چەندێ نابیت ئەڤ یاریکەرە یاریەکێ بکەت داکو ئەڤ سزایە نەمینت.
چێرچێڤ شیابو د یاریا ریال مەدرید ھەمبەر یانا قادش گۆلەکێ ژی توماربکەت بەری راھێنەرێ یانا ریال مەدرید رافائێل بنیتێز ل دەسپێکا نیڤا دویێ ب گوھۆریت