بنگەهێ 18ێ یێ کارتا نیشتیمانی ل پارێزگەها دهوکێ هاتە ڤەکرن
ئەڤرۆ نیوز ، مەحمود نهێلی
ل ژێرناڤێ کارتا نیشتیمانی پێنگاڤەکا گرنگە بەرەڤ حکومەتا ئەلەکترونی و د رێ و رەسمەکی دا و ب ئامادەبوونا هەژمارەکابەرپرسێن حزبی و حکومی و خێزانین شەهیدان و خەلکێ دەڤەرێ ئەڤرۆ ۱۹/۱۲/۲۰۱۹ فەرمانگەها کارتا نیشتیمانی ل دێرەلۆک هاتە ڤەکرن.
عەقیدێ مافپەروەر عەبدولله موحەمەد سەلیم بەرپرسێ راگەهاندنا رەگەزناما پارێزگەها دهوکێ بو ئەڤرۆ نیوز دیار کر کو ئەڤ دبیتە بنگەهێ ۱۸ ێ یێ کارتا نیشتیمانی ل پارێزگەها دهوکێ د سالا ۲۰۱۹ ێ دا کو ئەڤرۆ ل دێرەلوکێ هاتیە ڤەکرن، و گۆت هەر ئەڤرۆ هاولاتیێن دڤەرێ کو تومارا وان ل ڤی فەرمانگەهی بیت دشێت مامەلەیێن خوە پیشکێش بکەت و ببیتە خودان کارتا نیشتیمانی .
ناڤهاتی دیار ژی کر، کو ئەڤ پێنگاڤە بهەڤکاری ل گەل حکومەتا عیراقێ ب رێڤە دچیت کو هەر هاولاتیەکی تومار کری مافێ وەرگرتنا کارتا نیشتیمانی هەیە.
و دا دیارکرن کو هاولاتی دشێت دماوێ کێمتر ژ ۱٥ خولەکا دا هەمی پێنگاڤێن رێڤەبرنا مامەلەیێن خوە ب رێڤە ببەت وهەروەسا ماوێ دو حەفتیا تا سێ حەفتیان دا کارتا خوەیا نیشتیمانی وەربگریت.
پشتی رێ و رەسمێن ڤەکرنا فەرمانگەها کارتا نیشتیمانی مامەلەیێن چەند خێزانێن شەهیدان ب رێڤە چون کو وەک ئێکەم کەس ل دەڤەرێ بووینە خودان کارتا نیشتیمانی.
