بنگەھێن ئیرانێ یێن ل دەرڤەی سووریێ ژی دێ ژناڤ بەین
ئەڤرۆ نيوز:
ئاڤیگدۆر لیبرمان وەزیرێ بەرگیریێ یێ ئیسرائیلێ راگەھاند کو مە شیایە ل سووریێ پرانیا بنگەھێن سەربازی یێن ئیرانێ ژناڤ ببەین و چەندین کارگەھێن دروستکرنا چەکان ژی ھاتنە ژناڤبرن، لێ ئیران دخوازیت ل عیراقێ دەست ب دروستکرنا بنگەھێن چەکێن گران بکەت، ھەکە ئیران دەست ب کارەکێ وەسا بکەت ئەم دێ ھێرشی وان بنگەھان ل عیراقێ ژی کەین و قانوونێن نێڤدەولەتی ژی ڤێ رێیێ ددەتە مە کو بەرگیریێ ل وەلاتێ خوە بکەین.
ناڤبری ئەو یەک ژی دیار کر کو دڤێت ھەموو وەلاتێن جیھانێ ل گەل ئەمریکا پێکڤە سنۆرەکێ بۆ زێدەگاڤیێن ئیرانێ دانێن دا مەترسیا ئیرانێ ل دەڤەرێ کێم ببیت.
