بهایێ عومرێ د رەمەزانێدا بلند دبیت
سولین سلێمان:
پشتی وەزارەتا حەج و عومرا سعودیێ بریار دای د ڤێ مەها رەمەزانێدا هەر بوسلمانەك تنێ دێ شێت ئێك عومرێ ئەنجام دەت و زێدەتر نابیت، دیسا ژی هەر عومركارەك تنێ پێدڤیە 15 رۆژ زێدەتر وێرێ نەمینیت، د نۆكە دا بهایێ چۆنا عومرێ بلند بوویە، ب جۆرەكی ب تنێ بهایێ عومرەكا نورمال 11 هزار و 200 دولارن.
كاروان ستونی، رێڤەبەرێ راگەهاندنا حەج و عومرا هەرێما كوردستانێ بۆ رۆژناما ئەڤرۆ گۆت: هەر چەند ل سالا بوری د مەها رەمەزانێدا بهایێ عومرێ ژ بۆ ٦٥٠ دولارا هاتبوو خار، لێ د ئەڤ سالەدا ئەڤ بهایە هاتیە گوهۆرین و بلندتر بوویە ژ بۆ ١١ هزار ٢٠٠ دولاران.
ئاماژەكر: ئەگەرێ بلندبوونا بهایێ چونا عومرێ ژبەر مەها رەمەزانێیە، چونكی د ڤێ مەهێدا خاستا خەلكی ژ بۆ وێرێ گەلەك نە ب تنێ ل كوردستانێ، بەلكو ل هەمی جیهانێ، ئەڤ چەندە ژی دبیتە ئەگەر هوتێل ب ساناهی ب دەست نەكەڤیت.
خویاكر: ژ بەر خاستا زۆرا وەلاتێن عەرەبی ژبۆ عومرێ هوتێلێن نێزیك ژ عومرێ دەستناكەڤن، چونكی خەلك هوتێلێن نێزیك ژ عومرێ دگرن و بهایێن وان ژی د گرانن.
ئەو یەك ژی دیار كر، ئەنجام دانا ئێك عومرە د مەها رەمەزانێ ژ لایێ سعودیێ ڤە تنێ ژ بۆ مەها رەمەزانێیە، دا كو هەمی موسلمان ژ چوونێ بۆ عومرێ د مفاداربن، پشتی ڤێ مەهێ هەر كەس دێشێت ب چەندەها عومرا ئەنجام دەت، دیسا ژی سعودیێ ئەپلیكەیشنەك دانایە ژ بۆ هەر كەسەكێ یێ بڤێت ناڤێ خوە ب شێوازێ ئەلكترونی تومار بكەت و تێدا چەندین خزمەتگوزارێ دناڤدا هەنە.
