بهایێ پترۆلێ ری ل بلند بوونێ دكه‌ت
ئه‌ڤرۆ نیوز:
بهایێ پترۆلێ به‌ره‌ڤ بلند بوونێ ڤه دچیت، پشتی گه‌هشتیه نزمترین ئاست ل دیرۆكێ دا.
ئه‌ڤرۆ بهایێ به‌رمیلا پترۆلا برێنت ل بازارێن جیهانێ گه‌هشته 22.24 دۆلاران كۆ رێژا 9.28% بهایێ پترۆلێ بلند بوویه.
به‌ریا چه‌ند رۆژه‌كان ب ئه‌گه‌رێ به‌لاڤبوونا ڤایرۆسێ كورونایێ شه‌رێ پترۆلێ یێ سعودیێ و روسیا بهایێ به‌رمیلا پترۆلێ گه‌هانده 15 دۆلاران.
رۆژا 12/4/2020 ئوپێك پله‌س كۆ وه‌لاتێن ئه‌ندام و نه ئه‌ندامێن ئوپیكێ گه‌هشتنه رێكه‌تنه‌كا دیرۆكی بۆ كێمكرنا به‌رهه‌مئینانا 9.7 ملیۆن به‌رمیلێن پترۆلێ د رۆژی دا ل ده‌ستپێكا هه‌یڤا 5 یا ئیسال ب مه‌به‌ستا بلندكرنا بهایێ پترۆلێ.
ئوپێك رێكخراوه‌كا وه‌لاتێن به‌رهه‌مهێنه‌رێن پترۆلێ نه ل جیهانێ كۆ ژ عیراقی و سعودیێ و ڤه‌نزوێلا و ئیمارت و نایجیریا و لیبیا و كوێت و ئیران و گابوون و ئه‌نگولا و جه‌زائیر پێك دئێت.