بهێنڤەدانا جه‌ژنا قوربانێ هاتە راگه‌هاندن
ئەڤرۆ نیوز ، تۆڤی:
پەیڤدارێ حوکمه‌تا هه‌رێما كوردستانێ دیارکر، کو ب هاتنا جه‌ژنا قوربانێ بۆ ماوێ حه‌فتیەکێ دێ بیتە بهێنڤەدانا فه‌رمى ل سه‌رجه‌م داموده‌زگهێن حوکمه‌تا هه‌رێمێ.
ئه‌ڤرۆ ئێکشه‌مبێ 5 تەباخێ ، سه‌فین دزه‌یى پەیڤدارێ حوکمه‌تا هه‌رێمێ گۆت، کو بهێنڤەدانا جه‌ژنا قوربانێ دێ ژ 19 تەباخێ هەتا 25 بیت و رۆژا 26 تەباخێ ده‌واما فەرمی یە.
پەیامەک ژ پەیڤدارێ فەرمی یێ حوکمەتا هەرێما كوردستانێ:
ب بۆنا هاتنا جەژنا قوربانا پیرۆز پیرۆزباهیێن گەرم ل خێزانێن شەهیدان و پێشمەرگێن قارەمانەكان و هەموو موسلمانێن كوردستانێ و عیراقێ وجیهانێ دكەین و هیڤیخوازین ئەڤ جەژنە ببیتە مایێ ئێكرێزیێ و سەقامگیریێ و خۆشگوزەرانیێ بۆ هەموو خەلکێ كوردستانێ.
بۆ وەلاتیێن خۆشتڤی یێن خەلکێ كوردستانێ رادگەهینین کو بهێنڤەدانا جەژنا قوربانیا پیرۆز ژ رۆژا ئێكشەمبێ 2018/8/19 دێ دەست پێکەت و هەتا رۆژا شەمبیێ 2018/8/25 دێ یا بەردەوام بیت و رۆژا ئێكشەمبی 2018/8/26 دێ دەواما فەرمی دەست پێکەت.
سەفین دزەیی
پەیڤدارێ فەرمی یێ حوکمەتا هەرێما كوردستانێ.