به‌حسێ پلانا ئازادكرنا موسل كرن
ئه‌ڤرۆ نیوز:
سه‌رۆكێ هه‌رێما كوردستانێ و پارێزگه‌رێ نه‌ینه‌وا ره‌وشا باژێرێ موسل شروڤه‌كرن و به‌حسێ پلانا ئازادكرنا باژێرێ ژێر ده‌ستێ داعش كرن.
ل گۆر راگه‌هاندنه‌كا سه‌رۆكایه‌تیا هه‌رێمێ، ئه‌ڤرۆ ئه‌ینى مه‌سعود بارزانى سه‌رۆكێ هه‌رێما كوردستانێ ل باژێرێ دهۆكێ ل گه‌ل ئه‌سیل نوجێفى پارێزگارێ نه‌ینه‌وا كومبوو.
پارێزگارێ نه‌ینه‌وا پیرۆباهى ل سه‌رۆك بارزانى كر ب هه‌لكه‌فتا سه‌ركه‌فتنێن پێشمه‌رگه‌ى ل ئوپه‌راسیونێن ئازادكرنا ده‌ڤه‌رێن زومار و ره‌بیعه و شنگال و راگه‌هاند: ئازادكرنا ده‌ڤه‌را شنگال و سه‌ركه‌فتنێن پێشمه‌رگه‌ى، هه‌ڤكێش گوهۆرین و هیڤیێن ئاكنجیێن پارێزگه‌ها نه‌ینه‌وا بلند كرن و رۆل و به‌رهه‌ڤبوونا سه‌رۆك بارزانى د به‌روكێن شه‌رى ب كاریگه‌ر وه‌سف كر.
