به‌رازيل ژ مونديالا رووسيا ده‌ركه‌فت
ئه‌ڤرۆنيوز:
هه‌لبژارتيێ به‌لجيكا سه‌ركه‌فتنه‌كا نه‌چاڤه‌رێكرى ل سه‌ر هه‌لبژارتيێ به‌رازيل ل قۆناغا چاريك دووماهيێ تۆماركر.
به‌لجيكا شيا د ياريا ئه‌ڤ شه‌ڤه ل قۆناغا چارێك دووماهيێ ژ مونديالا رووسيا هه‌لبژارتيێ به‌رازيلێ ژ مونديالێ ده‌ربێخيت وب ئه‌نجامێ 2-1 ب سه‌ركه‌ڤيت.
هه‌ردو گۆلێن به‌لجيكا ژلايێ ياريكه‌ران فرناندينو يێ به‌رازيلى ب شاشى ڤه ل خۆله‌كا 13 وكيڤين دى بروين ل خۆله‌كا 31 وگۆلا ئێكانه‌يا به‌رازيلى ژلايێ ياريكه‌ر ريناتۆ ل خۆله‌كا 76 هاته تۆماركرن.
هه‌لبژارتيێ به‌لجيكا ل قۆناغا به‌رى دووماهيێ دێ ل گه‌ل هه‌لبژارتيێ فره‌نسا كه‌ت ئه‌وا ئه‌ڤرۆ ل سه‌ر هه‌لبژارتيێ ئوروگواى ب ئه‌نجامێ 2-0 ب سه‌ركه‌فتى.
