به‌رسڤا هیۆمان رایتس دهێته دان
ئه‌ڤرۆ نيوز:
حوكمه‌تا هه‌رێمێ سه‌باره‌ت گرتيێن داعش به‌رسڤا هيومان رايتس ووچ دده‌ت، دیندار زێباری رێكخه‌رێ راسپارده‌یێن نێڤده‌وله‌تی د حكومه‌تا هه‌رێما كوردستانێ د راگه‌هاندنه‌كێ دا، ئاشكه‌را كر، ل سێ سالێن بۆری ب سووچا په‌یوه‌ندیكرنا ب داعشێ 2652 كه‌س هاتینه گرتن و سوچا ئه‌ندامبوونا داعشێ ل سه‌ر 1100 ژ وان دیاربوویه.
تێدا هاتیه ژی، سزادانا وان كه‌سان ژی زیندانكرن بوویه د ناڤبه‌را 3 سال تا هه‌تا هه‌تایی لگۆره‌یی قه‌باره‌یێ وێ تاوانا كری، هه‌روه‌سا 870 كه‌س ژی هاتینه ئازادكرن پشتی لێكۆلینان بێ تاوان ده‌رخستین و 672 كه‌سێن دی ژی هێشتا دبن لێكۆلینان دانه.
هيومان رايتس ووچ د راپوره‌كێ دا به‌حسێ كوردستانێ كربوو و نڤيسيابوو ( كوردستانا عيراقێ ل سێداره‌دانا ب كومه‌لا گرتيان).
