به‌رنامه‌كێ مۆنتاژێ يێ باش بۆ مۆبايلان
ئه‌ڤرۆ نيوز:
گه‌له‌ك به‌رنامه يێن هه‌ين كو بشێن ده‌ستكاريێ د ڤيديۆيان دا بكه‌ن، به‌لێ ل بازارێ گۆگل پله‌ى كو يێ تايبه‌ته ب سيسته‌مێ ئه‌ندرۆيد، به‌رنامه‌كێ هه‌يه كو ب ره‌نگه‌كێ باش ئه‌وى رۆلى دگێريت و كارێ مۆنتاژى پێ دهێته كرن.
ئه‌و به‌رنامه ژى ب ناڤێ (ActionDirector)، ب تنێ بۆ سيسته‌مێ ئه‌ندرۆيد يێ ل به‌ر ده‌ست و هێشتا بۆ ئاى ئۆ ئێس نه‌هاتيه درۆستكرن، كۆمه‌كا تايبه‌تمه‌نديێن گرنگ ب خوه ڤه دگريت، ژ وان ژى دشێت ڤيديۆيێ بكه‌ته ده‌نگ و د هه‌مان ده‌م دا بكارئينه‌ر دشێن ڤيديۆيێ ببڕن يان ژى بێخنه سه‌ر سيسته‌مێ هێدى يان ژى ب له‌ز و گه‌له‌ك كارێن دى.
بكارئينه‌رێن سيسته‌مێ ئه‌ندرۆيد د شێن د رێيا گوگڵ پلەی كليكێ ل سه‌ر (ActionDirector) بکەن و ئينستال بکەن، هه‌كه د وێرێ دا نه‌ديت ژى دشێن ب رێيا گۆگلى لێ بگه‌ريێن و دانلۆد بكه‌ن.
