به‌رهه‌مێ 119 هونه‌رمه‌ندان د خولا 14 دا یا گه‌له‌ریا دهۆك دا هاته نیشادان
ئه‌ڤرۆ نیوز:
ب ئاماده‌بونا به‌هزاد عه‌لی ئاده‌م جێگرێ پارێزگه‌رێ دهۆكێ و چه‌ند هونه‌رمه‌ندان ئه‌ڤرۆ 2019/1/9 رێ ورسمێن ڤه‌كرنا خولا (14)ێ یا گه‌له‌ریا دهوك ل ژێر دوریشمێ ( هونه‌ر ژبو كوردستانه‌كا ئازاد) هاتنه گێران.
ل به‌راهیێ سلێمان عه‌لی په‌یڤا رێڤه‌به‌ریا گه‌له‌ریا دهوكێ خواند وگوت: گه‌له‌ریا دهوك شیایه دڤێ خولێدا به‌رهه‌مێ 119هونه‌رمه‌ندا ل سه‌رانسه‌ری هه‌رێمێ نیشا بده‌ت هه‌روه‌سا گوت: ل ڤان 14سالێن ده‌ربازبوی گه‌له‌ریا دهوك خزمه‌تێن هونه‌ری یێن جودا جودا پێشكێشكرینه وته‌كه‌زكر كو دڤێت بزاڤێن باشتر وپیروزتر بهێنه كرن بو خزمه‌تكرنا هونه‌ر وهونه‌رمه‌ندێن ده‌ڤه‌رێ.
پاش خه‌لاتێن زێرین ل سه‌ر هه‌ردوو هونه‌رمه‌ندێن دێرین (به‌دیع محه‌مه‌د ته‌ها) ژ زاخو و(عه‌لی كه‌ریم ئه‌مین) ژباژێرێ سلێمانیێ هاتنه به‌لافكرن.
هه‌روه‌سا خه‌لاتێن رێزگرتنێ ل سه‌ر هونه‌رمه‌ندان( وه‌هبی ره‌سول و سیروان شاكر) هاتنه به‌لافكرن.
پاش چه‌ند پارچه مۆزیك هاتنه لێدان .
هه‌ربڤێ هه‌لكه‌فتێ جێگرێ پارێزگه‌رێ دهوكێ په‌یڤه‌ك پێشكێشكر وبناڤێ كاگێریا پارێزگه‌ها دهوكێ بخێرهاتنا هه‌موو هونه‌رمه‌ندان كر یێن كو ژجهێن دی یێن هه‌رێما كوردستانێ هاتین وپشكداربوین دخولا نوو یا گه‌له‌ریا دهوك دا وخوشحالیا خو ب ڤه‌كرنا خولا 14ێ یا گه‌له‌ریا دهوك ده‌ربری وده‌ست خوشی ل هه‌موو هونه‌رمه‌ندێن پشكدار كر وسه‌ركه‌فتن بو خواست .
پاش ب شێوه‌كێ فه‌رمی خولا 14ێ یا گه‌له‌ریا دهوك هاته ڤه‌كرن.
هه‌ژی گوتنێ یه دخولا 14ێ دا به‌رهه‌مێ 119هونه‌رمه‌ندێن شێوه‌كاری ژهه‌موو ده‌ڤه‌رێن هه‌رێما كوردستانێ هاتینه نمایشكرن ، هه‌روه‌سا دناڤا به‌رنامێن خولا نوو دا چه‌ند سمینارێن هونه‌ری دێ هێنه پێشكێشكرن.
