به‌رهه‌م ئینانا كاره‌بێ ل هه‌رێمێ دێ زێده بیت
ئه‌ڤرۆ نیوز:
رێڤه‌به‌رێ كۆنترولا كاره‌با هه‌رێما كوردستانێ راگه‌هاند نوكه 17 بۆ 18 ده‌مژمێرێن كاره‌با نیشتمانی ب وه‌لاتیان دهێنه دان و رێژا به‌رهه‌م ئینانا كاره‌بێ ژی دهێته زێده‌كرن.
ئومێد ئه‌حمه‌د رێڤه‌به‌رێ كۆنترولا كاره‌با هه‌رێما كوردستانێ راگه‌هاند نوكه كاره‌با باشه، ل دوهه‌فتیێن بوری ب ته‌ڤایی رۆژانه 17 بۆ 18 ده‌مژمێرێن كاره‌با نیشتمانی هه‌بوینه، به‌رهه‌ڤكاری هاتینه كرن بۆ ئه‌وێ چه‌ندێ ل ده‌مێ بلند بوونا پله‌یا گه‌رماتیێ زۆر ترین كاره‌ب بۆ وه‌لاتیان بهێته دابینكرن، كارپێكرنا ئیستگه‌هێ هه‌لمی یا خه‌بات ب بزاڤا لایه‌نێن په‌یوه‌ندیدارێن حكومه‌تێ شیاین ب دو فروكه‌یێن تایبه‌ت هه‌فتیا بوری ئێك ژی دهی تیمێن كوری ڤه‌گه‌رینن كوردستانێ، بریاره ل چه‌ند رۆژێن بهێت كارێن وان ته‌مام بن و 300 میگاواتێن كاره‌بێ دێ كه‌ڤنه ناڤ تورا نیشتمانی.
رێڤه‌به‌رێ كۆنترولا كاره‌با هه‌رێما كوردستانێ ته‌ئكید ل سه‌ر ئه‌وێ چه‌ندێ كر كۆ نوكه شیانێن به‌رهه‌مئینانا كاره‌بێ دناڤبه‌را دو هه‌زار و 700 بۆ دو هزار و 800 میگاواتین كاره‌بێ هه‌نه، به‌لێ هه‌فتیه‌كێ بۆ 10 رۆژین دی دێ زێده‌تری 300 میگاواتینم كاره‌بێ هێنه ناڤ تورا نیشتمانی.
