به‌رهه‌ڤی بۆ ئاڤاكرنا نه‌خۆشخانا په‌نجه‌شێرێ ل دهۆكێ دهێنه كرن
ئه‌ڤرۆ:
د. عه‌لی ته‌ته‌ر، پارێزگارێ دهۆكێ ب به‌رهه‌ڤبوونا حه‌مید عه‌لی، سه‌رپه‌رشتێ كۆمه‌لگه‌ها ده‌رگه‌هێ نێڤده‌وله‌تی یێ ئیبراهیم خه‌لیل دوهی 28/11/2022 ل دۆر ئاڤاكرنا نه‌خۆشخانا په‌نجه‌شێرێ ل پارێزگه‌ها دهۆكێ ل گه‌ل لایه‌نێن په‌یوه‌ندیدار كۆمبوو.
د كۆمبوونێ دا به‌حس ل پێدڤیا پارێزگه‌ها دهۆكێ بۆ ئاڤاكرنا نه‌خۆشخانا په‌نجه‌شێرێ و قووناغێن پراكتیكی یێن ئاڤاكرنێ و ئه‌و خزمه‌تێن د ڤی بیاڤی دا دهێنه پێشكێشكرن هاته كرن.
پشتی وه‌رگرتنا بیر و بۆچوون و پێشنیاران بۆ دانانا نه‌خۆشخانه و ئامیرێن پێدڤی یێن چاره‌كرنا نه‌خۆشێن په‌نجه‌شێرێ، پارێزگارێ دهۆكێ لایه‌نێن په‌یوه‌ندیدار راسپاردن دووماهی ڤه‌دیتن بۆ بڕیارا دووماهیێ یا ئاڤاكرنا نه‌خۆشخانا په‌نجه‌شێرێ بهێنه كرن.
دیسا هه‌ر دوهی ل كوچكا مێهڤانداریان د. عه‌لی ته‌ته‌ر، پارێزگارێ دهۆكێ پێشوازیا شانده‌كێ بازرگانی و به‌رهه‌مئینانێ یێ سریانی كلدانی ل ئه‌مریكا ب سه‌رۆكاتیا (مارتن) كر و د هه‌ڤدیتنه‌كێ دا به‌حسێ ره‌وشا پێكڤه‌ژیانا ئولی و نه‌ته‌وه‌یی ل پارێزگه‌ها دهۆكێ و ئه‌نجامێن كۆمبوونا دوهی یا شاندی ل گه‌ل سه‌رۆكێ حكومه‌تا هه‌رێما كوردستانێ و به‌رنامێ شاندی یێ وه‌به‌رهێنانێ و بازرگانی ل سنوورێ پارێزگه‌هێ ب گشتی هاته كرن.
