به‌رپرسه‌كێ ئه‌مریكى: مه چه‌ك نه‌دایه (PYD) و هه‌لویستێ مه ل گه‌ل (PKK ) نه‌گوهۆڕیه
ئه‌ڤرۆ نیۆز:
ژێده‌ره‌كێ به‌رپرسێ وه‌زاره‌تا ده‌رڤه‌یێ ئه‌مریكى داخویانیێن رۆژناما توركى ره‌تكرن، كو وه‌لاتێ ئه‌مریكا چه‌ك و ته‌قه‌مه‌نى بۆ پارتا دیموكراتى هنارتیه.
به‌رپرسێ ئه‌مریكى بۆ ئاژانسا ئه‌نازۆل یا توركى گۆت: سه‌رۆك باراك ئۆباما فه‌رمان كریه شه‌ڤانێن به‌ره‌ڤانیێ ژ كوبانێ د كه‌ن ئه‌وێن ژ ئالێ حوكمه‌تا هه‌رێما كوردستانێ ڤه هاتینه ره‌وانه‌كرن پشته‌ڤانیا وان بهێته كرن ب چه‌ك و ته‌قه‌مه‌نیان.
هه‌روه‌سا دوپاتكر، هه‌ولویستێ ئه‌مریكا به‌رانبه‌رى پارتا كرێكارێن كوردستانێ نه‌هاتیه گوهۆڕین كو ناڤێ وێ هیشتا دناڤ لیستا تیرۆرێ دا مایه، ئێك ژ به‌رپرسێن پارتا ئێكه‌تیا دیموكراتى حه‌فتیا بۆرى بۆ رۆژنامه‌كا توركى راگه‌هاند بوو، پارتا وان گرنتى دایه ویلایه‌تێن ئێكگرتیا ئه‌مریكى ئه‌و چه‌كێ دگه‌هیته ده‌ستێن واندا دژى وه‌لاتێ توركیا نه‌هێته بكارئینان.
