به‌رپرسه‌كێ ئه‌مریكی: بگرتنا سنۆران ئیران دێ مفای گه‌هینته هه‌رێما كوردستانێ
ئه‌ڤرۆ نیوز:
عه‌لی خدێری كو به‌رپرسه‌كی ئه‌مریكی یه و رۆلێ سه‌ره‌كی د هاتنا كۆمپانیا ئێكسۆن مۆبایل یا په‌ترۆلێ بۆ هه‌رێما كوردستانێ هه‌بوو و رێڤه‌به‌رێ كۆمپانیا (دراگۆمان ڤێنچه‌رز)ه، دیار دكه‌ت كو هه‌كه‌ر ئیران سنۆرێ خوه د گه‌ل هه‌رێما كوردستانێ دا بگریت، ئه‌و یه‌ك دێ مفای گه‌هینیته هه‌رێما كوردستانێ.
ئه‌میندارێ گشتی یێ ئاساییشا نه‌ته‌وه‌یی یا ئیرانێ عه‌لی شه‌مخانی ئه‌ڤرۆ دیار كربوو هه‌كه‌ر هه‌رێما كوردستان سه‌رخوه‌بوونێ رابگه‌هینیت ئه‌و دێ سنۆرێ خوه هه‌مبه‌ر هه‌رێمێ گریت، خدێری ژی وه‌ك ئاماژه‌ك بۆ وێ داخویانیێ گۆت: ئه‌ڤ یه‌كه دێ بۆ ئابۆرا مه‌ودادرێژ و ئاساییشا هه‌رێما كوردستانێ گه‌له‌ك باش بیت، هه‌ڤده‌م دێ بۆ ئه‌مریكا و هه‌ڤپه‌یمانێن وێ ژی تشته‌كێ باش بیت.”