به‌رپرسه‌كێ ئه‌منى يێ كه‌ركووك ده‌ستدرێژيا سكسى كره سه‌ر كچه‌كێ
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كێ ئه‌منى يێ به‌رپرس راگه‌هاند كو پله‌داره‌كى ل رێڤه‌به‌ريا نه‌هێلانا گۆنه‌هباريان كچه‌ك ره‌ڤانديه و ده‌ستدرێژيا سكسى كريه سه‌ر و پۆستێ خوه ب ده‌رفه‌ت ديتيه.
ئه‌وى ژێده‌رى بۆ شه‌فه‌ق نيوز گۆت: “رائيده‌كێ نه‌هێلانا گۆنه‌هباريان ب ناڤێ (عه‌لاء عوبه‌يدى) رۆژا پێنجشه‌مبى كچه‌ك ل گه‌ل خوه سووارى ترۆمبێله‌كا نيسان په‌ترۆل كريه كو تابلۆيا حكومى پێڤه بوويه ب به‌هانه‌يا وێ چه‌ندێ كو ئه‌و (پۆليسێن ره‌وشتى) نه، پشتى وى و ئه‌ڤ كه‌سێن ل گه‌ل وێ ده‌زگرێ وێ قوتاى و ل وێرێ ل سه‌ر جاددێ هێلاى”.
زێده‌تر گۆت: “عه‌لاء رابوويه ب ره‌ڤاندنا وێ كچێ ب ناڤێ (ش. ج. س) كو ژ دايكبوويا 1998ێ يه و ده‌ستدرێژيا سكسى كريه سه‌ر، پشتى وێ كچێ سكالا تۆماركرى، ئه‌و رائيد هاتيه ده‌سته‌سه‌ركرن”.
رێڤه‌به‌ريا كاروبارێن ناڤخۆ و ئه‌منى ل كه‌ركووكێ رۆژا پێنجشه‌مبى راگه‌هاند بوو كو ئه‌وان تۆمه‌تباره‌كێ ده‌سته‌سه‌ركرى ب ترۆمبێله‌كا حكومى كچه‌ك ره‌ڤاندبوو و ده‌ستدرێژيا سكسى كربوو سه‌ر.
ئه‌وێ رێڤه‌به‌ريێ د به‌يانناما خوه دا گۆتبوو: “پێزانين گه‌هشتينه مه كو (ع. ا. م) وه‌لاتيه‌ك ب ناڤێ (ش. ج. س) ره‌ڤانديه و د ناڤ ترۆمبێله‌كا حكومى دا يا نيسان په‌ترۆل ده‌ستدرێژيا سكسى كريه سه‌ر”.
به‌ياننامێ ئاماژه ب وێ چه‌ندێ ژى كريه كو هه‌ر ئێكسه‌ر تيمه‌ك هاتيه پێكئينان و ئه‌و پله‌دار هاتيه ده‌سته‌سه‌ركرن ب ترۆمبێل ڤه و هه‌ر كه‌سێ ده‌ست ل گه‌ل تاوانێ هه‌يين و ب گۆره‌ى ماددێ 396 يێ قانوونا سزايێن عيراقى دێ سه‌ره‌ده‌رى ل گه‌ل هێته كرن.
