به‌رپرسه‌كێ رووسى:ده‌ركه‌فتنا ئه‌لمانيا ژ مونديالێ تولڤه‌كرنا ده‌هان قوربانيێن شه‌رێن جيهانى بوو
ئه‌ڤرۆنيوز:
پارێزگه‌رێ ده‌ڤه‌را ليبتسك يا رووسى، ئوليگ كوروليۆف، ئه‌ڤرۆ ئه‌ينيێ 29/6/2018 راگه‌هاند، ده‌ركه‌فتنا هه‌لبژارتيێ ئه‌لمانيا ژ قۆناغا گرۆپان ل مونديالا رووسيا ژبه‌ر ديرۆكێ وده‌مى بوو.
وى به‌رپرسێ رووسى ل سه‌ر تۆرا جڤاكى يا تويته‌رى به‌لاڤكر” ئه‌لمانيا ب شێوه‌كى گه‌له‌ك نه‌باش يارى ل مونديالا رووسيا كر، ژبه‌ركو ئه‌لمانيا ل سه‌ر ڤێ ئه‌ردى دو شه‌رێن جيهانى كرن وگيانێ ده‌هان مليۆن قوربانيێن وان هه‌ردو شه‌ران تۆلڤه‌كرن ژ ئه‌لمانيا كر”.
هه‌لبژارتيێ ئه‌لمانيا، قاره‌مانا جيهانێ ل مونديالا به‌رازيل 2014، بۆ جارا ئێكێ يه هه‌ر ژ سالا 1938 ژ قۆناغا گرۆپان ده‌ردكه‌ڤيت پشتى ل سه‌ر ده‌ستێ هه‌ردو هه‌لبژارتيێن مه‌كسيك وكوريا باشوور هاتيه دوراندن ب ئه‌نجامێن 0-1 و 0-2 ول سه‌ر سويد ب زه‌حمه‌ت ول خۆله‌كێن دووماهيێ ب ئه‌نجامێ 2-1 ب سه‌ركه‌فتى ودرێزبه‌ندا گرۆپا خوه دا يا چارێ و دووماهيێ هاتى.
