به‌رپرسه‌كێ پارتى: مه گۆمان يا ژ عه‌ره‌بێن ئاواره هه‌يى بۆ كرياريێن تيرۆرستى
ئەڤرۆ نیۆز، قائید میرۆ:
بەرپرسەکێ پارتی دیموکراتی کوردستان ئاشکراکر كو ھەبوونا ھژمارەکا زۆرا ئاوارەیێن عەرەب ل باژێڕێ ھەولێرێ، گومان لێ دھێتەکرن بۆ کریارێن تیرۆرستی و کۆنتڕۆلکرنا وان يا ب زەحمەتە.
کەنعان خەیلانی، سەرۆکێ فڕاکسیۆنا پارتی دیموکراتی کوردستان ل جڤاتا پارێزگەھا ھەولێرێ بۆ ئەڤرۆ نیۆز راگەھاند: “ئێک ملیۆن و 600 ھزار ئاوارە ل سنورێ ھەولێرێ ھەنە، ئەڤ ئاوارە ژی پتریا وان عەرەبن و کۆنتڕۆلکرنا وان يا ب زحمەتە، لەوڕا ژ لایێ ئەمنی ڤە زۆر كارتێكرنا ل سه‌ر رەوشا باژێڕی هه‌يى و بووینە مەترسی ل سەر ئێمناھیا پایتەختێ کوردستانێ”.
خەیلانی گۆتژی: “بەری نوکە ھندەک کەمپ بۆ ئاوارەێن عەرەب ھاتینە چێکرن، بەلێ ھژمارەکا زۆر ژێ چووینە د خانیێن ب کرێ و ناف تاخێن باژێڕی دا، بۆ کۆنتڕۆلکرنا رەوشا ئەمنی مە پێدڤی ب ھژمارەکا زۆرتر یا ھێزێن ئاسایشێ ھەیە، مخابن ژ بەر قەیرانا دارایی دامەزراندن ھاتیە راگرتن و ھژمارا ئاکنجیان ژی زێدە بوویە، ئەڤە ژى ھەموو ئەگەرن بۆ چێبوونا کریارێن تیرۆرستی”.
