به‌رپرسه‌كێ پارتی:ل دووڤ قه‌بارێ ئێكه‌تيێ دێ ره‌فتارێ ل گه‌ل كه‌ين
ئه‌ڤرۆنيوز:
به‌رپرسه‌كێ پارتى ديموكراتى كوردستان راگه‌هاند، پارتى ل دووڤ قه‌بارێ ئێكه‌تيێ دێ ره‌فتارێ دگه‌لداكه‌ت وئێدى به‌هرا وێ دێ ل دووڤ قه‌بارێ وێ بيت نه‌كو زێده‌تر.
بلند ئیسماعیل، بەرپرسێ لقێ ١٦ يێ پارتی دیموکراتی کوردستان گۆت” ئه‌م نابێژين دێ ب تنێ حوكمه‌تا نوو پێكئينين، به‌لێ هه‌كه ئێكه‌تيێ دكابينا نوو يا حوكمه‌تێ دا پشكدار بكه‌ين، دێ هندى وان 20 كورسيێن ب ده‌ستڤه‌ئيناين بيت ول دووڤ قه‌بارێ خوه پشكداريێ كه‌ت نه‌كو زێده‌تر”.
بلندى زێده‌تر بۆ باسنوز گۆت” ئه‌و رۆژ چوون كو پارتى به‌هرا خوه بده‌ته ئێكه‌تيێ وبه‌رى نوكه ژى چه‌ندين جاران پارتى به‌هرا خوه دابوو ئيكه‌تيێ”.
به‌رپرسێ لقێ 16 يێ پارتى گۆت ژى”پارتى 45 كورسى ل په‌رله‌مانێ كوردستانێ ب ده‌ستڤه‌ئيناينه ول دووڤ وێ رێژا كورسيان دێ حوكمرانيێ ل هه‌رێما كوردستانێ كه‌ت، هه‌ر ژ سه‌رۆكێ حوكمه‌تێ وهه‌تا دووماهى جه‌مكێن حوكمرانيێ دهه‌رێما كوردستانێ دا”.