به‌رپرسێكی باڵای پارتی له خانه‌قین داعش بوه‌ته مه‌ترسی جدی
ئه‌ڤرۆ نیۆز، عه‌زیز هه‌ورامی:
تیرۆرستانی داعش له خانه‌قین و ده‌وروبه‌ری جوڵه‌یان زیاد كردووه، هێرش ده‌كه‌نه سه‌ر هێزه عێراقییه‌كان و هێزه‌كانی پێشمه‌رگه‌ی كوردستان، به‌رپرسێكی باڵای پارتی، مه‌ترسی تیرۆرستانی داعش زیادی كردووه.
شه‌وی ڕابردوو له هێرشێكی تیرۆرستانی داعش بۆ سه‌ر سه‌نگه‌رێكی لیوای پێنجی شاره‌زووری هێزه‌كانی پێشمه‌رگه له ناحیه‌ی گوڵه‌جۆ له ئه‌نجامدا دوو شه‌هید و بریندار بونی لێكه‌وته‌وه.
اكبر حه‌یده‌ر جێگری به‌رپرسی لقی 15ی خانه‌قینی پارتی دیموكراتی كوردستان، به ئه‌ڤرۆ نیۆزی ڕاگه‌یاند:” هه‌فته‌یه‌كه تیرۆرستانی داعش له خانه‌قین و ده‌وروبه‌ری جوڵه‌ی تیرۆرستیان زیادی كردووه، له‌م هه‌فته‌یه چه‌ندین هێرشیان كردووه‌ته سه‌ر هێزه‌كانی حه‌شدی شه‌عبی كوژرا و برینداری لێكه‌وتووه‌ته‌وه.
هه‌روه‌ها گوتی، تیرۆرستانی داعش له ناوچه‌كه له‌گه‌ڵ هێرشی ڕاسته‌وخۆ بۆسه‌ر هێزه‌كانی پێشمه‌رگه و سوپاس و حه‌شدی شه‌عبی ،له ڕێگه‌ی دانانه‌وه‌ی مینی چێندراویش كرداری تیرۆرستی ئه‌نجام ده‌ده‌ن.
ئاماژه بۆ ئه‌وه‌ده‌كات، شه‌وی ڕابردوو نزیك له ناحیه‌ی گوڵه‌جۆ هێرش كراوه‌ته سه‌ر هێزی پێشمه‌رگه و هاوه‌ن بارانی ناحیه‌كه كراوه، دوو پێشمه‌رگه شه‌هید بوون، داعش له‌ناوچه‌كه كاره‌تیرۆرستییه‌كانیان زیادی كردووه.
هه‌رئه‌مڕۆ له كاتی كێوماڵ كردنی ناوچه‌كه له لایه‌ن پێشمه‌رگه و ئاسایش پاش شه‌ڕ له‌گه‌ڵ تیرۆرستانی داعش، مینێكی چێندراو ده‌ته‌قێته‌وه، به هێزه‌كانی ئاسایش خۆشبه‌ختانه هیچ زیانێكی نه‌بووه.