به‌رپرسێ قه‌ناسێن داعش هاته كوشتن
ئه‌ڤرۆ نيوز:
سه‌ركرده‌كێ عيراقى دياركر كو د كرياره‌كا ئه‌منى دا ل پارێزگه‌ها ئه‌نبار بۆ سه‌ر باژێرێ فه‌لۆجه هێزێن عيراقێ شيان ئێك ژ فيدائيێن سه‌دام حسێن كو نوكه به‌رپرسێ قه‌ناسێن داعشه بكوژن.
كه‌نالێ عيراقيه ژ زارده‌ڤێ ئه‌ندامێ رزگاركرنا پارێزگه‌ها ئه‌نبار مه‌كى عيساوى دا زانين كو هێزێن رزگاركرنا فه‌لۆجه شيان عومه‌ر ياوه‌ر مياحى به‌رپرسێ قه‌ناسێن داعش ل نێزێك پرا تفاحه ل ناڤا سه‌نته‌رێ قه‌زايێ بكوژن.
دياركر ژى كو ئه‌ڤه پله‌داره‌كێ فيدائيێن سه‌دام حسێن بوو ب پله‌يا موقه‌دم و ل سالا 2003 عه‌ماره بجهـ هێلايه و چوويه فه‌لۆجه و پاشان بوويه ئيمامێ مزگه‌فتا ره‌حمان ل فه‌لۆجه و يێ ب كارێ راهێنانێ ب تيرۆرستان رابووى كو ب ده‌هان تيرۆرست يێن به‌رهه‌ڤ كرين ب تايبه‌ت بۆ ب كارئينانا قه‌ناصێ.
