به‌رپرسێ لقا 14: داعشێ مووسل ژ جیهانێ دابڕى
مووسل ،بارزان سلێمان مزوورى
به‌رپرسێ لقا 14 مووسل، عسمه‌ت ره‌جه‌ب ، بۆ ئه‌ڤرۆ نیوز دیار كر كۆ چه‌كدارێن تیرورستێن داعش ژبه‌ر خرابیا ره‌وشا وان ل ناڤ باژێرێ مووسل و ده‌وروبه‌ر به‌رى ده‌مژمیره‌كێ یه خزمه‌تگوزاریا ئه‌نترنێتى داخست و بریاردا كۆ ئه‌ڤ شه‌ڤه ده‌مژمێر 2 هێلا ئه‌نترنێتى ب شێوه‌یه‌كێ گشتى بهێته گرتن .
ناڤبرى دیار كر كۆ هه‌مى خودان كومپانیێن ئه‌نترنێتێ ئه‌وێن ناڤ باژێرێ مووسل داعش ئاگه‌هداركرینه كو بورجێن خو ییێن ئه‌نترنێتى ڤه‌مرینن ،
ناڤبرى دیار كر كۆ ژلایه‌كێ دن ڤه چه‌كدارێن تیرورستێن داعش پشتى تالان كرنا سه‌روسامێن ئیزدیان ل ناحیا سنونێ مالێن وان سوتن ب ئاڤاهى ڤه ،
ناڤبرى گوت ژى كۆ ئه‌ڤرۆ مه‌زنترین سه‌ركرده‌یێ داعش ل ده‌ڤه‌را ته‌له‌عفر بناڤێ ئیسماعیل الخاتونى هاته كوشتن سه‌ركرده‌یه‌كێ مه‌زن بۆ دناڤ چه‌كدارێن تیرورستێن داعش تایبه‌ت ل ده‌ڤه‌را ته‌له‌عفه‌ر ،
ناڤبرى دیار كر كۆ ژبه‌ر بوردومانێن فروكه‌یێن جه‌نگى ل ڤان روژان نه‌خوشخانه‌یێن مووسل جهێ ڤه‌حه‌واندنا ته‌رمێن داعش نه‌مایه نه‌خوشخانه یێن پر ته‌رمێن داعش بوین ،
ناڤبرى زێده‌تر گوت كۆ چه‌كدارێن تیرورستێن داعش سه‌رو سامانێ سه‌روك هوزێن عه‌ره‌با یێن ده‌ڤه‌را كولات سه‌ر ب قه‌زا شه‌نگال ڤه یێ (مصادره كرى ).