به‌رێ بنیاتی بۆ چێكرنا رێیێن قه‌سارا هاته دانان
به‌رده‌وامی دان ب گه‌هاندنا پروژێن خزمه‌تكاری بو وه‌لاتیێن پارێزگه‌ها دهوكێ ئه‌ڤرو ئێڤاری 6-10-2018ب چاڤدێریا فه‌رهاد ئه‌مین ئه‌تروشی پارێزگه‌رێ دهوكێ وب ئاماده‌بونا چه‌ند به‌رپرسێن ئیداری به‌رێ بنیاتی بو ڤه‌كرن وقێركرن وكونكریتكرنا رێكێن نافخویی ل گوندێ قه‌سارا هاته دانان.
پارێزگه‌رێ دهوكێ دپه‌یڤه‌كێدا پیروزباهیا خه‌لكێ گوندێ قه‌سارا كر كو ئه‌ڤ پروژه بو هاتیه دورستكرن وته‌كه‌زكر كو ب چێكرنا رێكێن نافخویی ل گوندێ قه‌سارا دێ هاتن وچونا خه‌لكێ گوندی خوشتر وئاسانتر لێ هێت.
هه‌روه‌سا گوت: ئه‌ركێ حكومه‌تا هه‌رێما كوردستانێ وكارگێریا پارێزگه‌هێ یه ئه‌من وئاسایشێ بو وه‌لاتیان به‌رقرار كه‌ت هه‌روه‌سا پروژێن خزمه‌تكاری بو وه‌لاتییان ئه‌نجامده‌ت ب تایبه‌تی پروژێن گرێدای ژیانا روژانه یا وه‌لاتیان.
هه‌ژی گوتنێ یه پروژێ رێكێن نافخویی ل گوندێ قه‌سارا ل سه‌ر بودجا پارێزگه‌ها دهوكێ بكوژمێ 640ملیون دینارا ژلایێ كومپانیا مان گروپ دماوێ 140روژادا دێ هێته بجه ئینان.
