به‌شار ئه‌سه‌د: ب هێز يان رێكه‌فتن دڤێت رۆژئاڤا ل بن كونترۆلا حوكمه‌تا سوريا بيت
ئه‌ڤرۆ نيوز، فاتما مزوورى:
به‌شار ئه‌سه‌د سه‌رۆكێ سوريا د داخۆيانيه‌كێ دا بۆ كه‌ناله‌كێ رۆسى ده‌رباره‌ى ده‌سته‌لاتا هێزێن سوريا ديموكرات ل ده‌ڤه‌رێن باكوورێ سوريا (رۆژئاڤايێ كوردستانێ) گۆت: “دو هه‌لبژارتى يێ ل به‌ر هه‌ده‌سێ هه‌ين؛ يان دانوستاندن كو نوكه حوكمه‌تێ ئه‌و ده‌رگه‌هـ بۆ ڤه‌كريه يان ژى ب زۆرى دێ ئه‌و ده‌ڤه‌ر ژ بن ده‌ستێ وان هێنه ده‌ر”.
زێده‌تر گۆت: “دڤێت هه‌ده‌سه وه‌كو هێزه‌كا سورى كو ژ ملله‌تێ سوريێ پێك دهێت، دانوستاندنان هه‌لبژێريت”.
به‌رى نوكه چه‌ندين جاران سه‌رۆكێ سوريا راگه‌هانديه كو په‌يوه‌نديێن وان و يه‌په‌گێ و هه‌ده‌سێ ل گه‌ل ئێك د خوه‌شن و ئه‌و هاريكاريا وان ب چه‌ك و پێدڤيێن له‌شكرى دكه‌ن، به‌لێ پشتى شيايێن پتريا ده‌ڤه‌رێن بن كونترۆلا ئۆپۆزسيۆنا سوريێ ده‌ربێخن، نوكه دێ بزاڤێ كه‌ن ده‌ست ب سه‌ر رۆژئاڤايێ كوردستانێ ژى دا گرن.
ب گۆره‌ى گۆتنێن ئه‌نه‌كه‌سێ ژى رژێما سوريا ل سالا 2012ێ رۆژئاڤايێ كوردستانێ راده‌ستى په‌يه‌دێ كربوو و نها دخوازيت ديسا وان ده‌ڤه‌ران ڤه‌گه‌رينيته ڤه.