به‌شه بودجێ دابینكرنا ده‌رمانان بۆ هه‌رێما كوردستانێ هاتە زێدە كرن
ئەڤرۆ نیۆز ، زنار تۆڤی:
پەیڤدارێ وه‌زاره‌تا ساخلەمیا حوکمه‌تا هه‌رێما كوردستانێ ئاشكرا كر،کو حوکمەتێ عێراقێ ئەو هایدارکرینە،کو بودجێ دابینكری بۆ ده‌رمانێن هه‌رێما كوردستانێ بۆ سالا 2018 هاتیە زێدەکرن.
دکتۆر خالس قادر پەیڤدارێ وه‌زاره‌تا ساخلەمیا حوکمه‌تا هه‌رێما كوردستانێ بۆ باس راگه‌هاندیە:کو وه‌زاره‌تا ساخلەمیا عێراقێ ئەو هایدارکرینە،کو بۆ سالا داهاتی دێ به‌رده‌وام بن ل سەر هنارتنا به‌شه ده‌رمانان بۆ هه‌رێما كوردستانێ.
گوت ژی:عێراقێ سۆز دایه کو 17% یا ده‌رمانان بۆ هه‌رێما كوردستانێ بهنێریت و ب ڤی رەنگی وان (170) ملیار دینار بۆ ڤێ مه‌به‌ستێ دابین كرینە ، ب ڤێ چەندێ ژی (62) ملیار دینار ژ بودجێ ده‌رمانێن سالا 2017 زێدەترن،هەروەسا گوتیە،ئەم دشێین ل سالا داهاتی پشکەکا زۆر یا گرفتێن ده‌رمانان ل مه‌لبه‌ند و نه‌خۆشخانه و بنگەهێن ساخلەمیێ چاره‌سه‌ر بكه‌ین.
