به‌غدا مليار ديناران ناهنێريته هه‌رێمێ
ئه‌ڤرۆ نيوز:
سكرتێرێ جڤاتا وه‌زيران ل هه‌رێما كوردستانێ ره‌تكر كو حوكمه‌تا به‌غدا مليار دولاران د ڤێ هه‌يڤێ دا ره‌وانه‌يى هه‌رێما كوردستانێ بكه‌ت.
ئامانج ره‌حيم، سكرتێرێ جڤاتا وه‌زيرێن هه‌رێما كوردستانێ د رۆهنكرنه‌كێ دا كو بۆ چه‌ند ده‌زگه‌هێن راگه‌هاندنێ هنارتيه، دبێژيت: “چه‌ند ده‌زگه‌هێن راگه‌هاندنێ وه‌سان به‌لاڤكريه كو به‌غدا دێ كۆژمێ ئێك مليار دولارێن دى ره‌وانه‌يى هه‌رێما كوردستانێ كه‌ت و سێ مووچێ دێ پێش سه‌رێ سالێ هێنه دان، دياره خه‌له‌ت تێگه‌هشتنه‌ك د ڤى وارى دا هه‌بوويه، ئه‌ڤا من به‌حس كرى د چاڤپێكه‌فتنه‌كا په‌يوه‌نديدار دا بوويه ل دۆر پرۆژێ بودجا سالا 2015 و من به‌حس ل سه‌ر لايه‌نێ قانوونى كريه”.
گۆتژى: “بۆ هه‌يڤێن دووماهيا سالا 2014 ل گه‌ل به‌غدا به‌حس ل وێ چه‌ندێ هاتيه كرن كو 500 مليۆن دۆلاران بهنێرنه هه‌رێمێ، نه مليار دۆلاران”.
ده‌رباره‌يى مووچێ سێ هه‌يڤێن فه‌رمانبه‌ران ژى ئاماژه ب وێ چه‌ندێ كريه كو ئه‌وى په‌يوه‌ندى پێڤه نينه و گرێدايى وه‌زاره‌تا دارايى و ئابووريى يه.
