به‌غدا دێ به‌هرا هه‌رێمێ يا دامه‌زراندنێ هێليت؟
ئه‌ڤرۆ نيوز:
ئەندامێ لژنا دارایی ل جڤاتا نوونەرێن عیراقێ دیارکر کو حوکمەتا عیراقێ رازی نابیت ل سەر بۆدجەیا سالا 2017 ئێک کەس ل سەر میلاکێن وەزارەتێن ھەرێما کوردستانێ بھێتە دامەزراندن.
حاکم سەرحان سلێڤانەی ئەندامێ لژنا دارایی ل جڤاتا نوونەرێن عیراقێ بۆ ئەڤرۆ دیارکر کو ئەنجومەنی وەزیران ل عیراقێ پلەیێن دامەزراندنی بۆ چوار وەزارەتان داناینە وان وەزارتان ژی ماف نێنە بێ رازیبوونا حوکمەتا عیراقێ ئێک پلا دامەزراندنێ دەست نیشان بکەن بۆ دەرچویێن ھەرێما کوردستانێ.
زێدەتر گۆتژی “ھەیڤا بھێت ژ ئەڤ سالە دێ بۆدجەیا عیراقێ بۆ جڤاتا نوونەرێن عیراقێ ھێتە رەوانەکرن ب تنێ زانیاری و داتا رەنگە بھێنە گوھۆرین ل پەرلەمانێ وەکو دیتر گەنگەشە کرن ل سەر بۆدجەیی دێ یا ب زەحمەت بیت وەکو جاران بھێتە کرن وەکو سالا بۆری بۆدجە ھاتیە دانان دشێین بێژین سالە 2017 یا تەنگاڤیانە, ھەکە بەغدا 17% پشکا ھەرێما کوردستانێ نەدەت گومان تێدا نینە دامەزراندن ژی ژ خەلکێ ھەرێمێ ناگرت, بۆدجەیا گشتیا عیراقێ دا پلەیێن دامەزراندنێ بۆ وەزارەتا ساخلەمیێ و پەروەردێ و ئێمناھیی ولەشکەری ھاتینە دانان وان وەزارەتان ل بەغدا دەستھەلات نینە پشکەکێ بدەنە ھەرێمێ ھەکە رێژا 17% پشکا ھەرێمێ ژبۆدجەیا گشتی نەھێتە دان”.