به‌غدا دێ مووچه‌كێ دى بۆ هه‌رێما كوردستانێ ڤرێكه‌ت
ئه‌ڤرۆنيوز:
حوكمه‌تا عيراقێ ئه‌ڤرۆ سێشه‌مبى 27/3/2018 ئاشكراكر كو ل ده‌مه‌كێ نێزيك دێ مووچه‌كێ دى بۆ فه‌رمانبه‌رێن هه‌رێما كوردستانێ ڤرێكه‌ت.
سه‌عه‌د حه‌ديسى، په‌يڤدارێ نڤيسينگه‌ها راگه‌هاندنێ يا سه‌رۆك وه‌زيرێن عيراقێ راگه‌هاند” نوكه ئه‌م يێ به‌رهه‌ڤيان دكه‌ين بۆ هنارتنا مووچه‌كێ دى بۆ فه‌رمانبه‌رێن هه‌رێما كوردستانێ”.
حه‌ديسى زێده‌تر بۆ دوارۆژ گۆت” ژبه‌ر چه‌ند پێرابوونان، ژڤانێ هنارتنا وى پاره‌ى نه‌هاتيه دياركرن، به‌لێ ب زووترين ده‌م دێ هنێرين”.
ل شه‌ڤا 18/3/2018، وه‌زاره‌تا دارايى وئابوورى ل هه‌رێما كوردستانێ به‌لاڤكر كو حوكمه‌تا عيراقێ 317 مليار و540 مليۆن دينار بۆ مووچێ فه‌رمانبه‌رێن هه‌رێما كوردستانێ هنارتينه.