به‌غدا دێ ڤێ رێژێ ژ مووچێن مامۆستايێن هه‌رێما كوردستانێ بريت
ئه‌ڤرۆنيوز:
جێگرێ سكرتێرێ گشتيێ ئێكه‌تيا مامۆستايێن كوردستانێ راگه‌هاند به‌رهه‌ڤيێن ليستا مووچه‌خۆرێن وه‌زاره‌تا په‌روه‌ردێ يێن ب دووماهى هاتين وبێ پاشكه‌فت دێ هێته هنارتن وئاشكرا ژى دكه‌ت كو رێژه‌ك دێ ژێ هێته برين.
عه‌تا ئه‌حمه‌د، جێگرێ سكرتێرێ گشتيێ ئێكه‌تيا مامۆستايێن كوردستانێ، ل دووڤ (كورديو) گۆت” پشتى مه پێداچوون دكارێن پێدانا مووچێ وه‌زاره‌تا په‌روه‌ردێ دا ژلايێ حوكمه‌تا به‌غدا ڤه كرى، بۆمه ده‌ركه‌فت كو كار ب ڤى شيوه‌ى ب رێڤه دچيت:
- به‌رهه‌ڤى دليستا مووچه‌خۆرێن وه‌زاره‌تا په‌روه‌ردێ دا يێن ب دووماهى ب شێوێ مووچێ تمام وبێ پاشكه‌فتكرن.
- ليستا مووچه‌ى يا هاتيه به‌رهه‌ڤكرن ب وى گۆژمێ 150 هزار ديناران ڤه كو پێشتر ب بريارا هژمار 25 كو په‌رله‌مانێ عيراقێ بۆ مامۆستايان ده‌ركربوو.
- چو ده‌رماله وهه‌ڤژينى وباوه‌رنامه نه‌هاتيه برين
- برين ژ مووچه‌ى دێ ب رێژا 3،8 بيت، كو ئه‌ڤه ژى بريارا حوكمه‌تا به‌غدا يه
- ل ڤان نێزيكان لژنه‌ك ژ به‌غدا دێ هيته باژێرێن هه‌رێما كوردستانێ ودێ سه‌ره‌دانا چه‌ند قوتابخانان كه‌ت وه‌كو وه‌رگرتنا نموونه‌كێ بۆ به‌راورديا راستى ودروستيا مووچه‌ى.
- پشتى ڤێ چه‌ندێ حوكمه‌تا به‌غدا دێ بريارێ ده‌ت كا ب چ ميكانيزمه‌كێ دێ مووچه‌ى ڤرێكه‌ت
- هه‌موو پێشبينى دبێژن كو ل ڤێ هه‌يڤێ دێ مووچه هێته دان.
ل دووڤ پێزانينێن ئه‌ڤرۆنيوز رێژا 3،8 ژ مووچێ پتريا فه‌رمانبه‌رێن عيراقێ دهێته برين.
