به‌فر و باران دێ بارن
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا چارشه‌مبى دهێته پێشبينيكرن باران ل هه‌موو ده‌ڤه‌ران بباريت و ل ده‌ڤه‌رێن چيايى ژى ده‌ليڤا به‌فر بارينێ يا هه‌ى.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك ب ده‌ست ئه‌ڤرۆ نيوز كه‌فتيه راگه‌هاند كو سوبه‌هى رۆژا چارشه‌مبى رێكه‌فتى 4ى كانوونا ئێكێ 2019 دهێته پێشبينيكرن باران ل هه‌موو ده‌ڤه‌ران بباريت و به‌فر ژى ل ده‌ڤه‌رێن چيايى يێن پارێزگه‌هێ و ب شه‌ڤ ئه‌ڤ كارتێكرنه دێ ب هێزتر بن.
پشكا پێشبينيان ئاشكه‌را ژى كر كو له‌زاتيا بايى دێ ب ره‌نگێ ل سه‌رخوه و ناڤه‌ندى بيت ناڤبه‌را 5 بۆ 15كم ب ره‌نگه‌كى كو دێ ئاراستێ وى د گوهۆڕينێ دا بيت و مه‌ودايێ ديتنێ ژى دێ 6 بو 8كم بيت. نزمترين پلا گه‌رماتيێ دێ 7 پله بيت و بلندترين پله ژى دێ 16 بيت.
