به‌كگرتوو: ده‌ست ژ كاركێشانا د. ديندار نه‌جمان قه‌بوول ناكه‌ين
ئه‌ڤرۆ نيوز:
ئاخفتنكه‌رێ ب ناڤێ يه‌كگرتوو ئيسلامى كوردستان راگه‌هاند كو هه‌بوونا هه‌لويستێن وه‌كو يێن د. ديندار نه‌جمان يان ژى هه‌بوونا بۆچوونێن جودا ل ناڤ دونيايا سياسى و ئه‌و ئازاديا ئه‌ڤرۆ هه‌ى تشته‌كێ سرۆشتى يه و ده‌ست ژ كاركێشنا وى ناهێته قه‌بوولكرن.
هيوا ميرزا سابر، ئاخفتنكه‌رێ ب ناڤێ يه‌كگرتوو ئيسلامى كوردستان د داخۆيانيه‌كێ دا بۆ لڤينپرێس گۆت: “ئه‌وا ل ده‌ڤه‌را بادينان روودايى، د دونيايا ته‌بايى و ئازاديا راده‌ربڕينێ و ره‌خنه‌گرتن و داخوازا مافان دا، تشته‌كێ ئاسايى به و سه‌ركرداتيا حزبێ ب ئه‌رێنى سه‌ره‌ده‌ريێ ل گه‌ل دكه‌ت و د رێيا ئۆرگانێن په‌يوه‌نيدار دا، دێ ل داخوازى و ره‌خنێن وان پرسيت”.
زێده‌تر دبێژيت: “ئه‌ڤ هه‌لويستێ نوكه يێ گرتى (سه‌ره‌يايى ره‌خننه و نه‌رازيبوونا من ژ ده‌م و شێوازى) داكوكيكرنه ل سه‌ر بڕيارا سه‌ركرداتيا حزبێ و ماف و ئه‌ركێ وانه ژى د چارچۆڤێ پرۆژگرامێ حزبێ دا و پێدڤيه داخوازى و بۆچوونێن وان د وێ ده‌ربارێ دا د رێزلێگرتى بن”.