به‌لاڤكرنا مووچه‌ى دێ ده‌سپێكه‌ت
ئه‌ڤرۆ نيوز:
بريكارێ وه‌زاره‌تا داراى ره‌تكر كو ئه‌مريكا مووچێ دويێ يێ وه‌زاره‌تا پێشمه‌رگه‌ى ره‌وانه كربيت و گۆت: “د ڤێ حه‌فتيێ به‌لاڤكرنا مووچه‌ى دێ ده‌سپێكه‌ت”.
رابه‌ر سه‌ديق، بڕيكارێ وه‌زاره‌تا دارايى بۆ رووداو گۆت: “د ڤێ حه‌فتيێ دا دێ مووچێ هه‌يڤا ته‌باخێ 8 هێته به‌لاڤكرن و خشتێ چاوانيا به‌لاڤكرنێ ژى هێته راگه‌هاندن”.
بريكارێ وه‌زاره‌تا دارايى ئاماژه ب وێ چه‌ندێ ژى كر كو وه‌كو هه‌رجار ل ده‌سپێكێ پێشمه‌رگه دێ مووچه‌ى وه‌رگرت و گۆت: “هه‌تا نها ئه‌مريكا ب تنێ مووچێ ئێك هه‌يڤ يێ پێشمه‌رگه‌ى ره‌وانه كريه و ئه‌و ژى ب دينارى بوويه نه‌ك ب دۆلارى، چاڤه‌رێ دكه‌ين ئه‌و پاره ب گه‌هيت و ئێكسه‌ر دێ ده‌ست ب به‌لاڤكرنێ كه‌ين”.
