به‌نكا نێڤ ده‌وله‌تی هاریكاریا دارایی بۆ روو ب روو بوونا كورونایێ دده‌ته عیراقێ
ئه‌ڤرۆ نیوز:
بۆ روو ب روو بوونا ڤایرۆسێ كورونایێ، به‌نكا نێڤ ده‌وله‌تی زێده‌تری 33 ملیۆن دۆلاران هه‌ڤكاریا عیراقێ دكه‌ت.
ئه‌ڤرۆ 13/5/2020 به‌نكا نێڤ ده‌وله‌تی یا دراڤ د به‌یاننامه‌یه‌كێ دا راگه‌هاند ره‌زامه‌ندی ل سه‌ر دانا 33 ملیۆن و 600 هزار دۆلاران بۆ عیراقێ د چارچوڤه‌یێ پرۆژه‌یێ هه‌وارچوونێ دایه.
ئه‌و پاره‌یێ به‌نكا نێڤ ده‌وله‌تی ب دو قوناغان دهێته دان ب عیراقێ، قوناعا ئێكێ بهایێ حه‌فت ملیۆن و 800 هزار دۆلار ئامێر و كه‌ل و په‌لێن نوژداری هنێرنه عیراقێ، قوناغا دووێ بهایێ 25 ملیۆن و 800 هزار دۆلار ئامێر و كه‌ل و په‌لێن نوژدارێ هنێرنه عیراقێ.
ئه‌و پاره‌یێ به‌نكا نێڤ ده‌وله‌تی بۆ عیراقێ ته‌رخانكریه بۆ راهێنان ب كارمه‌ندێن ساخله‌میێ بخوڤه دگریت كۆ ل هێلا پێشیێ نه بۆ روو ب روو بوونا ڤایرۆسێ كورونایێ.
