به‌هرا هه‌رێمێ ژ پلێن دامه‌زراندنێ يێن سه‌ر بودجا 2015 هاتنه ئاشكه‌را كرن
ئه‌ڤرۆ نيوز:
لژنا دارايى ل جڤاتا نوونه‌رێن عيراقێ رێژا دامه‌زراندنا فه‌رمانبه‌ران ل هه‌موو عيراقێ ل سه‌ر بوودجا 2015 ئاشكه‌را كر و زێده‌تر ژ دو هزاران ب به‌ر هه‌رێمێ دكه‌ڤيت
ماجد ته‌ميمى، ئه‌ندامێ لژنا دارايى ل جڤاتا نوونه‌رێن عيراقێ بۆ رۆژناما سه‌باح دياركر كو د پرۆژێ قانوونا بودجا 2015 دا 108 هزار و 458 پله بۆ دامه‌زراندنێ ل عيراقێ هاتينه دياركرن و گۆت: “به‌هرا هه‌رێمێ ژ ڤێ پشكێ دو هزار و 411 پله نه”.
ئه‌ندامێ لژنا دارايى ل جڤاتا نوونه‌رێن عيراقێ ئاشكه‌را ژى كر كو وه‌زاره‌تا ساخله‌ميێ دێ 13 هزار و 525 قله ب به‌ركه‌ڤن و په‌روه‌ردێ پێنج هزار و 412 پله و ناڤ خۆژى 35 هزار پله و به‌ره‌ڤانيێ ژى 50 هزار پله بۆ هاتينه دياركرن.
ب گۆره‌يى زانياريێن ڤى ئه‌ندام په‌رله‌مانێ لژنا دارايى ل جڤاتا نوونه‌رێن عيراقێ هژماره‌كا دى بۆ جڤاتا دادوه‌رى و وه‌زارتا كاروكاروبارێن جڤاكى و نڤيسينگه‌ها سه‌رۆك كۆمارى و دامه‌زراوێن دى هاتينه ته‌رخانكرن.
